PAMOJA BLOG: ACT

RISE CHARITY YATOA MSAADA WA VIFAA VYA KUJIFUNZIA MOROGORO

By: VIJIMAMBO on October 28, 2017 / comment : 0 ACT, Jamii, Matukio

Na MWandishi Wetu

Shirika lisilo la kiserikali la Rise charity limezindua kampeni iitwayo Mtoto kwanza Elimu ni Msingi Ambapo kampeni hiyo yenye dhumuni la kusaidia watoto wa shule za msingi kwa kuwachangia vifaa mbalimbali vitakavyo wawezesha katika Masomo .

Kampeni hiyo imezinduliwa kwa mara ya kwanza katika mkoa wa Morogoro wilaya ya kilosa kijiji cha Ngoisani ndani ya shule ya Mabwegere ikiwa ni kampeni inayotarajiwa kuzunguka katika mikoa mbalimbali Tanzania.

Aidha wakati wa uzinduzi huo ulioambatana na kutoa msaada wa vifaa vya kujifunzia Katibu wa kampeni hiyo Atley Timothy Kayuni amewaasa watoto kwa kusema

"Msaada huu umetolewa na watanzania na wapenda maendeleo hivyo muutumie vizuri na kwamanufaa ya upataji elimu bora ambayo itawasaidia mbeleni katika maisha hivyo mkazane ili kutimiza ndoto zenu" amesema Kayuni

Naye Mmoja wa walimu katika shule hiyo Mwl. Mbapila amelishukuru shirika hilo kwa kuwakumbuka na kwenda kuwaona na kusema ni watu wachache sana wenyemoyo wa kujitolea hivyo wasichoke kutoa kwani shule ni nyingi na nyingi zinahari mbaya hususani vijijini.

Katibu wa kampeni ya "mtoto kwanza elimu ni msingi" Atley T Kayuni akitoa somo kwa wanafunzi wa shule ya msingi Mabwegere iliyopo Kilosa Mkoani Morogoro kabla yakutoa msaada kwa wanafunzi hao.

Mkurugenzi Mtendaji wa Rise Media, Innocent Horomo akitoa msaada wa vifaa vya kujifunzia kwa wanafunzi, ikiwa ni kampeni inayoendeshwa na Rise Charity iliyofanyika katika shule ya shule ya Mabwegere wilaya ya Kilosa mkoani Morogoro.

Afisa habari wa Rise Media ambae pia ni mwakilishi wa Rise Charity akiteta jambo na wanafunzi wa shule ya msingi mabwegere wakati wa zoezi la uzinduzi wa kampeni ya Mtoto kwanza elimu ni msingi

Baadhi ya wanafunzi wa shule ya msingi Mabwegele wakiwa darasani wakati wa zoezi la kampeni ya Mtoto kwanza elimu ni msingi.

Mmoja wa wanafunzi wa shule ya msingi Mabwegere akitoa neno la shukrani kwa uongozi wa Rise Charity kwa kuwakumbuka na kuwapa msaada

Wanafunzi wakifurahia msaada waliopewa kwa kunyosha juu vifaa vya kujifunzia

ZITTO KABWE ATOA YA MOYONI KUHUSU OPARESHENI UKUTA

By: VIJIMAMBO on August 25, 2016 / comment : 0 ACT, Habari, MBUNGE, Zitto Kabwe

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.

Wakati viongozi wa dini wakiendelea na jitihanda za kusaka suluhu kati ya upande wa Serikali na Chadema kuhusu namna ya kuzuia kwa amani kufanyika kwa Operesheni ya chama hicho iliyopewa jina la UKUTA, Septemba 1, Kiongozi Mkuu wa Chama Cha ACT-Wazalendo Zitto Kabwe ametoa maoni yake.

Zitto ambaye pia ni Mbunge wa Kigoma Mjini amesema kuwa haoni haja ya kufanyika kwa vikao hivyo vya kusaka maridhiano kwani Chadema wanachotaka kufanya kiko kikatiba.

“Sioni ni kwanini tunahangaika na vikao vya maridhiano na tahariri nyingi kuhusu shughuli ya CHADEMA kufanya operesheni yao ya UKUTA. Kuandamana ni Haki ya KIKATIBA. Tuache watu watimize Haki yao Kwa amani. Kuzuia watu kufanya jambo lao la kikatiba ndio kuvunja amani. Wanaotaka kuandamana waandamane na wanaotaka kufanya Kazi zao nyingine tuendelee na Kazi zetu. Kwanini kutekeleza Haki ya kikatiba iwe ni kuvunja amani? Kwanini?,” Zitto ameandika kwenye ukurasa wake wa Facebook.

Hata hivyo, vikao vya maridhiano vinavyoendelea tayari vimeonesha kuzaa matunda kwenye suala la mgogoro wa Bunge ambapo wabunge wa vyama vya upinzani wameridhia kurejea Bungeni katika vikao vitakavyoanza mapema mwezi ujao.

Serikali imeendelea kuwaonya watu wote wanaopanga kuandamana Septemba 1 huku viongozi wa Chadema wakisisitiza kuwa siku hiyo watafanya maandamano kama walivyopanga.

Hali hiyo imepelekea kumtoa hadharani Kingunge Ngombale Mwiru ambaye ameomba marais wastaafu kumshauri Rais Magufuli ili kuruhusu Serikali kukaa na Chadema kusaka muafaka wa masuala ya kisiasa nchini.

TGNP NA ACTION AID WAKUTANISHA WANAWAKE NA VIONGOZI KUJADILI USHIRIKI WA WANAWAKE KATIKA NAFASI ZA MAAMUZI

By: VIJIMAMBO on August 07, 2016 / comment : 0 ACT, Action Aid, Anna Mghwira, Anne Makinda, Bengi Issa, Matukio, NHIF, TGNP

Mkurugenzi wa Baraza la Taifa la Uwezeshaji wananchi Kiuchumi, Bi. Bengi Issa akizungumza jambo wakati wa kuzindua mjadala wa wadau uliowakutanisha wanawake viongozi ulioandaliwa na TGNP Mtandao pamoja na Action Aid Tanzania.

Mwenyekiti wa Bodi ya Mfuko wa Taifa wa Bima ya Afya (NHIF) na Mwanaharakati wa haki za mwanamke, Mh. Anne S. Makinda akizungumza jambo wakati wa kujadili nafasi ya mwanamke na uongozi iliyoandaliwa na TGNP Mtandao na Action Aid Tanzania

Mwenyekiti wa kitaifa wa chama kipya cha siasa, ACT – Wazalendo na Mwanaharakati wa maendeleo ya Mwanamke, Anna Mghwira akizungumza jambo wakati wa kujadili na kutoa tamko kuhusu nafasi ya wanawake na uongozi iliyofanyika katika ukumbi wa SeaShell jijini Dar es Salaam

Mkurugenzi wa Baraza la Taifa la Uwezeshaji wananchi Kiuchumi, Bi. Bengi Issa(wa pili kutoka kushoto) akipokea tamko kwa kutoka kwa Mwajuma Nuty lililosomwa na wawakilishi wa wanawake viongozi.Wa kanza kushoto ni Mkurugenzi Mtendaji wa TGNP Mtandao, Lilian Liundi

Mkuu wa Kitengo cha Teknolojia ya Habari na Mawasiliano kutoka TAKUKURU, Neema Mwakalyelye akizungumza na wanawake viongozi kuhusu mchango wa TAKUKURU katika kupunguza rushwa hasa rushwa ya kingono inayoshamiri sana maofisini na hata katika ngazi mbalimbali za uongozi.