HABARI

Theme images by kelvinjay. Powered by Blogger.

MATUKIO

MICHEZO

SIASA

Lowassa aachiwa kwa dhamana

By: VIJIMAMBO on June 28, 2017 / comment : 0 , , ,

Waziri Mkuu mstaafu, Edward Lowassa ameachiwa kwa dhamana baada ya kuhojiwa kwa saa nne katika Ofisi ya Mkurugenzi wa Upelelezi wa Makosa ya Jinai (DCI).
Lowassa ameondoka makao makuu ya polisi saa 8.15 na kuelekea nyumbani kwake.
Akizungumza baada ya mahojiano hayo, Mwanasheria wa Chadema, Peter Kibatala amesema Lowassa amejidhamini mwenyewe na ametakiwa kuripoti tena Alhamisi saa 6.00 mchana.
Kibatala amesema Lowassa amehojiwa kwa kosa la uchochezi na ameandika maelezo ya onyo juu ya kauli aliyoitoa wakati wa futari iliyoandaliwa na mbunge wa Ukonga, Mwita Waitara.
"Mzee amehojiwa kwa kile wanachokiita kauli ya uchochezi aliyoitoa Juni 23, mwaka huu wakati wa futari iliyoandaliwa na Waitara. Baada ya kuhojiwa ameandika Maelezo ya Onyo na atatakiwa kuripoti tena Alhamisi, Juni 29," amesema.

Chadema wataka Katiba Jaji ya Warioba irejeshwe

By: VIJIMAMBO on June 16, 2017 / comment : 0 ,

Chadema imesema iwapo Tanzania inataka kunufaika na rasilimali zake na kushinda vita vya kutetea utajiri wake inapaswa kwanza kurejesha katiba iliyopendekezwa na Jaji Joseph Warioba na si vinginevyo.
Akitoa msimamo wa chama kutokana na kile kinachoendelea baada ya kutolewa kwa ripoti mbili za Rais kuhusu mchanga wa dhahabu, leo (Ijumaa) Katibu Mkuu wa chama hicho, Dk. Vincent Mashinji amesema suluhisho la kudumu katika kulinda na kuhifadhi rasilimali za Taifa ni kurejea katika katiba ya wananchi.
“Chadema tunasema kuwa haya yote tunayoyapigia kelele itakuwa ni kazi bure iwapo haturejeshi hoja ya katiba mpya.
“Katiba ya Warioba iliweka mapendekezo ya jinsi ya kulinda rasilimali za taifa na kama tungefuata hayo yote hili la sasa halingepaswa kuwa na mjadala mkubwa kiasi hiki,” amesema wakati alipokuwa akizungumza na waandishi wa habari katika makao makuu ya chama hicho Kinondoni.
Pia, chama hicho kimeitaka CCM kujipima na kujitafakari kama kinafaa kuendelea kuaminika kuongoza dola kutokana kushindwa kutetea vyema rasimali za taifa kwa kuruhusu mikataba mibovu.

Waziri Nchemba Ataja Sababu Zinazowafanya CHADEMA Wapigwe Marufuku Kufanya Sherehe Vyuoni

By: VIJIMAMBO on June 09, 2017 / comment : 0 , , ,

Mbunge wa Iringa Mjini, Mchungaji Peter Msigwa alihoji bungeni sababu za wanafunzi wa CCM kupendelewa kufanya mikutano na sherehe za kumaliza masomo yao huku wanafunzi wa vyama vingine vya upinzani hasa CHADEMA kupigwa marufuku kufanya sherehe hizo.

Akijibu jambo hilo Waziri wa Mambo ya Ndani ya Nchi, Mwigulu Nchemba alisema kuwa wanafunzi wa Chama Cha Mapinduzi huwa wanafuata utaratibu ndiyo maana huwa wanapewa ruksa kufanya sherehe hizo pindi wanapomaliza vyuo na kusema hao wengine huwa hawafuati utaratibu ndiyo maana wanakuwa wanazuiliwa.

"Taratibu ziko wazi kama CCM walikuwa wamefuata utaratibu na kupewa mikutano, chama kingine chochote kinachotakiwa ni kufuata utaratibu zile zile waweze kupewa mikutano lakini wengine kama hawajafanya utaratibu hawatapewa tu kwa sababu CCM walipewa bali watapewa kwa kufuata utaratibu, kuna sehemu zingine CHASO hao hao wamepewa mikutano kwa hiyo linalotakiwa ni utaratibu tu wa kupewa mikutano hiyo" alisema Mwigulu Nchemba

Mbali na hilo Waziri Mwigulu Nchemba alisema mikutano ya hadhara haijazuiwa bali imewekewa utaratibu na kusema duniani kote sifa za mikutano ya hadhara ni kama ambavyo inafanyika hivi sasa Tanzania na kusema kuwa mtu aliyeshinda ndiye anaendelea na majukumu ya kuongoza na aliyeshindwa hapaswi kushukuru kwa wananchi.

"Marekani mwaka jana walifanya uchaguzi mmemuona Hillary Clinton anashukuru kwa wananchi? Duniani kote aliyeshinda ndiye anaendesha serikali kwa utaratibu wa kiserikali hili liko wazi duniani kote" alisisitiza Mwigulu Nchemba

PICHA: MWILI WA MAREHEMU PHILLEMON NDESAMBURO WAAGWA KATIKA VIWANJA VYA MAJENGO MKOANI KILIMANJARO

By: VIJIMAMBO on June 05, 2017 / comment : 0 , ,

Viongozi wa juu wa Chadema, Freeman Mbowe na Edward Lowassa wameupokea mwili wa aliyekuwa Mwenyekiti wa Chadema, Kilimanjaro, Phillemon Ndesamburo baada ya kuwasili katika viwanja vya Majengo.

Ndesamburo alifariki ghafla wiki iliyopita wakati akipata matibabu katika hospitali ya KCMC.
Mwili wa Ndesamburo ambaye pia aliwahi kuwa mbunge wa Moshi Mjinim,utaagwa katika viwanja hivyo na leo saa kumi jioni utapelekwa nyumbani kwake kwa ajili ya taratibu za mazishi.
Wabunge na Viongozi mbalimbali wa Chadema, akiwamo muasisi wa chama hicho, Edwin Mtei, Frederick Sumaye wapo uwanjani hapo kwa ajili ya kumuaga Ndesamburo.
  Gari lililobeba mwili wa aliyekuwa Mwenyekiti wa Chadema mkoani Kilimanjaro, Phillemon Ndesamburo lilielekea katika viwanja vya Majengo kwa ajili ya kuagwa mwili huo.

Waziri Mkuu Mstaafu, Edward Lowassa akiwapungia mkono wananchi waliofika kwenye uwanja  huo mara baada ya kuwasili katika viwanja vya Majengo kwa ajili ya kuagwa mwili wa aliyekuwa Mwenyekiti wa Chadema mkoani Kilimanjaro, Marehemu Phillemon Ndesamburo.
Mwenyekiti wa Chama cha Demokrasia na Maendeleo (CHADEMA), Freeman Mbowe akiwasili atika viwanja vya Majengo kwa ajili ya kuagwa mwili wa  aliyekuwa Mwenyekiti wa Chadema mkoani Kilimanjaro, Marehemu Phillemon Ndesamburo.
Wabunge wa Chama cha Demokrasia na Maendeleo (CHADEMA) wakiwa wamebeba jeneza lililobeba mwili wa aliyekuwa Mwenyekiti wa Chadema mkoani Kilimanjaro, Marehemu Phillemon Ndesamburo. 
Viongozi mbalimbali wa Kisiasa na dini wakiwa wamesimama mara baada ya mwili wa aliyekuwa Mwenyekiti wa Chadema mkoani Kilimanjaro, Marehemu Phillemon Ndesamburo kuwasili uwanjani hapo



 Baadhi ya wakazi wa mji wa Moshi mkoani Kilimanjaro wakiwa kwenye uzuni mara baada ya mwili wa aliyekuwa Mwenyekiti wa Chadema mkoani Kilimanjaro, Phillemon Ndesamburo ulipokuwa unaelekea katika viwanja vya Majengo kwa ajili ya kuagwa mwili huo. 



  

  

  

Diwani wa Chadema Arusha ajiuzulu

By: VIJIMAMBO on June 01, 2017 / comment : 0 ,

Diwani wa Chadema, kata ya Bangata wilayani Arumeru (Arusha) Emmanuel Mollel amejiuzulu nafasi yake ikiwa ni siku chache baada ya kutuhumiwa na uongozi wa chama hicho kwa utovu wa nidhamu.
Mkurugenzi wa Halmashauri ya Meru, Christopher Kazeri amethibitisha taarifa za kujiuzulu kwa diwani huyo na kusema kwamba ofisi yake imepokea taarifa za kujiuzulu kwake.
Mollel alipotafutwa kwa njia ya simu leo, Juni Mosi, 2017, alikiri kuandika barua ya kujiuzulu huku akisema kwamba amefanya uamuzi huo kwa utashi wake binafsi lakini akakanusha kupewa barua yoyote ya onyo na uongozi wa chama hicho.
Katibu wa Chadema mkoani Arusha,Aman Gorugwa amethibitisha taarifa za kujiuzulu kwa kiongozi huyo na kusema kuanzia leo Mollel sio mwanachama wa Chadema tena.
Gorugwa amesema kwamba uongozi wa chama chao ulimwandikia barua hivi karibuni ya kumtaka ajieleze sababu za kutowajibishwa kutokana na tuhuma zinazomkabili.
Ametaja tuhuma hizo kuwa ni pamoja na utovu wa nidhamu,mwenendo usiofaa ,kwenda kinyume na maagizo ya chama na usaliti.

Amesema hata kabla ya kujibu tuhuma hizo walipokea barua ya kujiuzulu kwake.
Katibu huyo amesema kwamba jina la Mollel lilikuwa kwenye orodha ya kitabu cheusi (black book) na alikuwa kwenye hatua za mwisho za kutimuliwa.

Bendera ya CHADEMA Kupeperuka Nusu Mlingoti

By: VIJIMAMBO on June 01, 2017 / comment : 0 ,

Kufuatia kifo cha mmoja wa Waasisi wa CHADEMA, Mzee Philemon Ndesamburo Katibu Mkuu wa Chama Cha Demokrasia na Maendeleo, (CHADEMA), Dkt. Vincent Mashinji, ametoa maelekezo kwa watendaji nchi nzima kupeperusha bendera nusu mlingoti

Mashinji ametoa maelekezo hayo leo wakati akiongea na Waandishi wa Habari Makao Makuu ya chama hicho jijini Dar es Salaam na kusema bendera zinapaswa kupeperushwa nusu mlingoti hadi mwili wa kiongozi huyo utakapopumzishwa katika nyumba yake ya milele.

"Chama kitashiriki katika msiba huu kwa heshima zote kumuenzi mmoja wa waasisi wa siasa za mabadiliko ya kweli na Uhuru wa kweli nchini, msiba huu ni msiba wa CHADEMA, ni msiba wa Watanzania, ni msiba wa Taifa letu kutokana na mchango mkubwa wa Mzee wetu kisiasa, kiuchumi na kijamii kwa nchi yetu, Mhe. Ndesamburo ndiye aliyekifadhili Chama kwa mara ya kwanza kwa kukipatia ofisi eneo la Kisutu jijini Dar es salaam" amesema Dkt. Mashinji

Mbowe: Nilimzuia Lucy Owenya asichangie bungeni

By: VIJIMAMBO on May 31, 2017 / comment : 0 , ,

Kiongozi wa Kambi Rasmi ya Upinzani bungeni, Freeman Mbowe amesema alipopata taarifa ya kifo cha Mbunge wa zamani wa Moshi Mjini, Philemon Ndesamburo alijaribu kumzuia mtoto wa marehemu, Lucy Owenya asichangie bungeni lakini alishindwa. 
Mbowe ameyasema hayo leo Jumatano wakati akilitangazia bunge kuhusu kifo cha Mwenyekiti huyo wa Chadema, mkoa wa Kilimanjaro. Owenya ni mbunge wa viti maalum wa chama hicho na mtoto wa kada huyo mkongwe wa Chadema. "Ilipofika zamu yake kuchangia nilimruka hata akalalamika inakuwaje wakati alitakiwa atoe maoni yake. 
Tushirikiane na familia ya marehemu ambaye alihudumu kwenye bunge hili kukamilisha taratibu zilizobaki," amesema Chenge.

Breaking News: Mzee Philemon Ndesamburo(CHADEMA) afariki dunia

By: VIJIMAMBO on May 31, 2017 / comment : 0 ,

Mbunge wa zamani wa Moshi Mjini (Chadema) Philemon Ndesamburo amefariki dunia ghafla leo, wakati akipata matibabu katika Hospitali ya Rufaa ya KCMC, Moshi.
 
Katibu wa Chadema, Mkoa wa Kilimanjaro, Basil Lema amethibitisha kifo hicho na kueleza kuwa wataendelea kutoa taarifa zaidi juu ya kifo cha mwanasiasa huyo mkongwe.
 

PICHA: YALIYOJIRI KATIKA MKUTANO WA BARAZA KUU LA CHADEMA

By: VIJIMAMBO on May 28, 2017 / comment : 0 , ,

 MWENYEKITI wa Chama cha Demokrasia na Maendelea CHADEMA, Freeman Mbowe akifungua mkutano huo uliofanyika Mkoani Dodoma Mei 27,2017.
 Katibu Mkuu wa CHADEMA, Dk Vincent Mashinji akizungumza
 Meza kuu
 Mwenyekiti wa CHADEM, Freeman Mbowe akisoma taarifa za chama. 
Picha zote na Mroki Mroki.
 Wajumbe wa Baraza Kuu wakiwa katika Mkutano huo mjini Dodoma
 Wimbo wa Taifa uliimbwa
 Dua ilifanyika kabla ya kuanza mkutano huo.
 Wajumbe wakiwa mkutanoni
 Wajumbe ambao ni Wabunge wa Viti Maalum kutoka Mkoa wa Dodoma, Dk Immaculate Sware (kushoto) na Devotha Minja wa Morogoro.
Wajumbe wakifuatilia mkutano huo.

MBUNGE AIBUKA NA RUNDO LA RISITI BUNGENI

By: VIJIMAMBO on May 22, 2017 / comment : 0 , , ,

Mbunge wa Viti maalum (Chadema), Rhoda Kunchela aliwasilisha bungeni furushi la risiti za mwenge wanazodaiwa kuchangishwa kwa nguvu, walimu na wafanyabiashara.
Mbunge Kunchela aliomba kutoa hoja ili ijadiliwa na Bunge kuhusiana na kile alichodai walimu, wafanyabiashara na wafanyakazi kuchangishwa kwa nguvu michango ya mwenge.
“Mkononi hapa nina risiti zaidi ya 300 za michango inayochangishwa na baadhi ya watendaji wa Serikali wakiwepo walimu, wafanyabiashara na wafanyakazi wa kada mbalimbali,”alisema.
“Ni malalamiko ya muda mrefu sana kwamba wamekuwa wakilazimishwa michango hii, kibaya zaidi Serikali iliwahi kutoa taarifa hapa bungeni kuwa michango hii ni hiyari,”alisisitiza Kunchela.
“Tulipofikia sasa hivi si sawa kwa mikoa mbalimbali kuendelea kulazimishwa kuchangia mwenge wa uhuru wakati ni hiyari. Jambo hili Serikali itoe tamko au Bunge lako lijadili suala hili,” alisema.
Hata hivyo Mwenyekiti wa Bunge, Andrew Chenge alikataa kuruhusu hoja hiyo ijadiliwe lakini akamtaka mbunge huyo kukabidhi risiti hizo kwa Bunge ili nalo lizikabidhi serikalini kwa hatua zaidi.
“Ningependa hayo marisiti yako, hilo furushi la risiti, tupewe tutaikabidhi Serikali tuone,”alisema Chenge na kuwaagiza wafanyakazi wa Bunge waliokuwa ndani ya ukumbi kwenda kuzichukua.

Chanzo: Mwananchi

Sumaye ajiuzulu ujumbe wa bodi CRDB

By: VIJIMAMBO on May 21, 2017 / comment : 0 , , ,

Aliyekuwa Waziri Mkuu wa serikali ya awamu ya tatu, Frederick Sumaye amejitoa katika Bodi ya Wakurugenzi wa Benki ya CRDB kwa madai kuwa familia yake inafuatwafuatwa hivyo kuhofia kuwa anaweza kuathiri benki hiyo.

Baada ya kujitoa kama mmoja wa viongozi wa benki hiyo kubwa nchini, Sumaye amesema kuwa ataendelea kuwa mwanahisa wa benki hiyo ya biashara.

“Sitaki msimamo wangu wa kisiasa uhusishwe na benki yetu” alisema Sumaye ambaye ni Mjumbe wa Kamati Kuu ya CHADEMA na Mwenyekiti wa CHADEMA Kanda ya Pwani.

Sumaye alisema kuwa huenda majukumu yake ya kisiasa yakambana na akashindwa kuhudhuria baadhi ya vikao muhimu vya benki hiyo ambavyo ni muhimu kwa ufanisi na ustawi wa benki.

Akiwa nje ya mkutano huo Sumaye alisema kuwa, familia yake imekuwa ikifuatwafuatwa na serikali na kwamba tayari mtoto wake amepokwa shamba.

Serikali pia alimnyang’anya Sumaye shamba lake lililokuwa Mabwepande kwa madai hakuliendeleza, huku yeye akisema uamuzi wa yeye kupokwa shamba ulikuwa ni wa kisiasa. Sumaye alieleza kwamba hakuweza kulima shamba hilo kutokana na serikali kupiga kilimo jijini Dar es Salaam.

Sumaye amesema uamuzi wake aliuchukua ili CRDB iweze kuendeshwa na watu walioko huru mbele ya jamii kuepusha hisa za wafanyabishara wengine kuathiriwa.

Sumaye anamiliki zaidi ya hisa milioni 7.4 za benki hiyo.

CCM Wampa 'Makavu' Lowassa

By: VIJIMAMBO on May 19, 2017 / comment : 0 ,

Chama cha Mapinduzi mkoa wa Arusha kimeishangaa kauli ya aliyekuwa Waziri Mkuu Edward Lowassa kusema kuwa Rais John Magufuli amemtuma ‘mtoto mdogo’ kwenda kuiwakilisha serikali kwenye mazishi ya wanafunzi wa  shule ya Lucky Vicent

 Akizungumza  na waandishi wa habari jana, Mwenyekiti wa CCM mkoa wa Arusha Michael Lekule ,alisema kauli ya Waziri huyo mstaafu ameitoa kwa kudanganya wananchi na kuonesha serikali ya Magufuli haishirikiani na wananchi ,wakati serikali iliubeba msiba huo mzito wa taifa.

 Alisema jitihada za serikali ya Magufuli zimeonekana kupitia kwa wawakilishi wake Makamu wa Rais Samia Suluhu pamoja na Mrisho Gambo pamoja na wanachama wa CCM ambao walijitokeza kwa wingi kwenye msiba huo mzito

 "Serikali ilijitoa kwa hali na mali kuwezesha  familia 35 kwenda kupumzisha wapendwa wao,na ilihakikisha kila mwili unapumzika mahala popote familia inapopata,tunajiuliza walitaka nini kama kote nafasi ilijazwa na serikali ya Magufuli," alisema Michael

 "CCM inakanusha kwanguvu upotoshaji huo,hata ukiangalia siku ile uwanja wa shekh Amri Abeid wanaccm walijaa uwanjani ,kikubwa CCM imeguswa na msiba uliotokea na Rais wetu amekuwa bega kwa bega juu ya tukio lililotokea,"alisema

 Pia alisema wamemshangaa kwa kusema Rais alimtuma mtoto mdogo wakati yeye mwaka 2007 ajali mbaya iliyotokea Monduli duka bovu na kuua watu 20 ambao 11 walikuwa ni askari wa JKT,rais Kikwete alimtuma aje kuiwakilisha serikali.

 Hata hivyo alimtaka kiongozi huyo, ajiulize kama yeye kipindi akiwa Waziri Mkuu aliweza kutumwa na Rais, amuwakilishe kwenye msiba wa watu 20, je yeye na Makamu wa Rais ni nani mdogo?

 "Tena ajali hiyo ilikuwa ya kitaifa,askari 11 walifariki kwenye ajali,mbona hajayasema ya kwake?," alisema Lekule

CHADEMA watuma salamu za rambirambi kufuatia vifo vya Wanafunzi 32

By: VIJIMAMBO on May 07, 2017 / comment : 0 , ,

Chama cha Demokrasia na Maendeleo (CHADEMA) kupitia Mkurugenzi wa Itikadi, Mawasiliano na Mambo ya Nje, John Mrema wametuma salamu za rambirambi kufuatia kutokea kwa ajali mbaya iliyotokea leo na kusababisha vifo vya watu 32.

Katika salamu zao cha CHADEMA wamesema wamepokea taarifa hizo kwa masikitiko makubwa kwani taifa limepoteza watu muhimu ambao wangelitumikia taifa katika siku zijazo.

"Tumepokea kwa masikitiko makubwa taarifa za ajali mbaya Iliyotokea Leo tarehe 6 Mei,2017 Mkoani Arusha, Wilaya ya Karatu na kusababisha vifo vya wanafunzi 33 (watoto wa kike 16 na watoto wa kiume 17) waliokuwa wanafunzi wa Shule ya Lucky Vicent ya Mkoani Arusha.....Hakika taifa limepoteza watoto wake na vijana wa Kesho ambao wangelitumikia taifa letu siku zijazo". Alisema Mrema

Aidha, chama cha CHADEMA pia wametoa pole kwa familia ya wafiwa, uongozi wa shule ya Lucky Vicent pamoja na wananchi kwa ujumla.
 
"Kwa majonzi makubwa tunatoa salamu za pole kwa wazazi, wanafunzi wa Shule ya Lucky Vicent,  uongozi wa Shule hiyo pamoja na wananchi wote wa Tanzania kwa msiba huu mkubwa na wenye kutia simanzi na huzuni kubwa...CHADEMA tutakuwa pamoja na familia za Marehemu katika kipindi hiki kigumu cha maombolezo , tunawataka wanachama na watanzania wote bila kujali imani zetu tuwakumbuke wafiwa katika Sala /Dua ili Mwenyezi Mungu awatie ujasiri wafiwa katika kipindi hiki kigumu". Alisema Mrema

Pamoja na hayo, CHADEMA wamelitaka jeshi la polisi kufanya uchunguzi wa kina juu ya chanzo cha ajali hiyo mbaya ili matokeo ya uchunguzi huo yatumike katika kuzuia ajali nyingine  isije kutokea katika siku zijazo.

Meya wa jiji amtembelea Mjane wa Bob Makani nyumbani leo

By: VIJIMAMBO on May 03, 2017 / comment : 0 , ,

Inline image 1
Meya wa jiji la Dar es Salaam, Isaya Mwita akimfariji Mjane wa aliyekuwa mhasisi na Katibu Mkuu wa kwanza wa Chama cha Demokrasia na Maendeleo (CHADEMA) Bob Makani (Mama Makani)
Inline image 2
Mjane wa aliyekuwa mhasisi na Katibu Mkuu wa Chama Cha Demokrasia na Maendeleo (CHADEMA) Kaboga Makani akimueleza jambo Mstahiki Meya wa jiji la Dar es Salaam Isaya Mwita mara baada ya kumtembelea Nyumbani kwake mapema leo asubuhi.
Inline image 3
Meya wa jiji la Dar es Salaam, Isaya Mwita akiwa kwenye picha ya pamoja na familia ya Mahasisi na Katibu Mkuu wa kwanza wa Chadema Bob Makani, wa kwanza kulia ni mtoto wa mzee Makani , Mohamed Mkani, na katikati ni mke wa Bob Makani Kaboga Makani.
Inline image 4
Inline image 1
Inline image 2
Meya wa jiji la Dar es Salaam akiwa na familia ya Mjane wa aliyekuwa muwasisi na Katibu mkuu wa kwanza wa Chadema.
Inline image 3
Inline image 4
Picha zote na Christina  Mwagala, OMJ.
NA CHRISTINA MWAGALA, OMJ
MEYA wa jiji la Dar es Salaam Isaya Mwita leo amemtembele mjane wa aliyekuwa Mhasisi na Katibu Mkuu wa kwanza wa Chama Cha Demokrasia na Maendeleo (CHADEMA) Bob Makani , Mama Kaboga Makani ikiwa ni moja ya ziara zake za kutembelea wazee pamoja na viongozi ambao waliwahi kushika nafasi mbalimbali za uongozi ndani ya jiji la Dar es Salaam.

Meya ambaye amerejea Nchini jana kutoka Nchini Iran ambapo alikuwa kwa ziara ya kikazi ya siku 10, amesema kwamba hatua ya kutembelea viongozi pamoja na wazee ambao ni waasisi inalenga kutambua michango yao katika nafasi ambazo waliwahi kutumikia na kwamba busara zao pia ndio zimeweza kulifikia Taifa sehemu ilipo hivi sasa.

Alifafanua kuwa Bob Makani enzi za uhai wake alikuwa ni mmoja na mwasisi wa Chadema na kwamba anatambua mchango wake kutokana na juhudi alizozionyesha ikiwemo kukipigania chama hadi kufikia kilipo hivi sasa.

Alisema Bob Makani pamoja na wenzake ndio waliokianzisha Chama Cha Chadema na kufika mbali zaidi kwamba bila wao hata yeye asingekuwa Meya wajiji hili kupitia chama hicho na kwamba mchango wao ndani ya chama bado utaendelea kukumbukwa na kila mmoja wakiwemo wanachama wa chama hicho na wananchi kwa ujumla.

Alisema Bob Makani mbali na kuwa mwanachama na mwasisi wa Chadema lakini pia aliwahi kuwa Gavana wa Benki kuu ambapo alitumikia nafasi hiyo kwa na hivyo baada ya kustaafu nafasi hiyo aliamua kuanzisha chama na hivyo kuwepo hadi hivi sasa.

“ Haya sio mambo ya kisaisa , lakini unaweza kuona kwamba ni alikuwa mtu muhimu , lakini pia kama kijana wao lazima nipate basara kutoka kwao, ingawaje hatunaye tena hapa duniani, lakini huko alipo anaona jambo gani ambalo tunafanya kama vijana ambao alituacha ndani ya chama” alisema.

Alifafanua kwamba jambo la kutembelea viongozi ama waasisi wa nafasi chama sio jambo la kisiasa bali ni kutokana na kutambua mchango wakazi ambazo waliwahi kuzifanya wakati huo.

“ Ziara hii sio ya kwa Mzee Makani tu, ila ni kwa waasisi , na wale ambao waliwahi kuwa viongozi wa jiji, wapo nitawatembelea, ikiwa ni sehemu yangu pia ya kutambua mchango wao, sambamba na kupata baraka , busara zao ambazo walizitumia katika uongozi wao, ukizungumza vizuri na wazee hawa unapata baraka na kuona kwamba namna gani unaweza kuwaongoza wananchi” alisema Meya Mwita.

“ Nimekuja leo kumuona Mama yetu, naweza kusema ni mama yetu kwa sababu kila mmoja anamfahamu mzee Makani , alikipigania chama, na ndio katibu mkuu wa wa kwanza ndani ya Chadema, kama vijana hatuna sababu ya kuwasahau wasisi wetu, wazee wetu, watu ambao tunawatambua kabisa waliitumikia nchi yetu” alisema Meya Isaya.
Subscribe to: Posts (Atom)

Copyright (c) 2024 Gadiola Emanuel All Right Reserved

0784 643 633

Template by AP | Developed by Gadiola Emanuel