HABARI

Theme images by kelvinjay. Powered by Blogger.

MATUKIO

MICHEZO

SIASA

Hizi ni sababu za kwanini Diamond ataendelea kufanikiwa zaidi

By: VIJIMAMBO on March 21, 2017 / comment : 0 ,

MUZIKI unachukua sehemu kubwa ya maisha yetu ya kila siku, umekuwa ukitupa faraja pale tunapoonekana kukata tamaa, ukitajiririsha ile furaha tuliyonayo katika nafsi zetu na kuturejeshea kumbukumbu za kitambo.

Basi muziki ni nini?. Muziki ni mpangilio ala na uimbaji unaoleta athari fulani kwa kiumbe, twende pole pole hapa, yaani naweza kusema kama msanii hawezi kupangilia ala na kuimba kwa ufundi hapo hakuna muziki. Tusimame hapo. Kwa hapa nchi muziki wa Bongo Fleva ndio umetawala sana ukilinganisha na aina nyingine za muziki. Bongo Fleva inasikika kila kona kuanzia majumbani, mtaani, mtandaoni, kwenye vyombo vya usafiri na vyombo vya habari.
Ukitaja majina matatu ya wasanii wanaofanya vizuri katika Bongo Fleva huwezi kuacha kumtaja Diamond Platnumz, kwa kipindi cha miaka saba aliyodumu katika muziki huu amekuwa na mchango mkubwa sana. Kwa miaka hiyo amekuwa akidondosha burudani ya uhakika, hakuwahi kusimama sehemu yoyote ile, ni yeye na kazi, kazi yeye, yaani bampa to bampa kama anavyoeleza Darassa katika wimbo wake wa muziki.
Sote tumekuwa mashuhuda wa mafanikio yake toka alipoanza, tumeshudia akibeba tuzo mbali mbali kama KTMA, AFRIMMA, MTV EMA na nyinginezo.

Kwanini leo Diamond?

Leo nimevutiwa kuandika makala haya mara baada ya msanii huyu kuanzisha wavuti ya kuuza nyimbo za wasanii ijulikanayo kama Wasafi.com. Hii ni hatua kubwa katika muziki wa Bongo Fleva.
Nadhubutu kusema ni hatua kubwa kwa sababu hakuna msanii mwingine aliyewahi kufanya hivyo, yeye ameiona hiyo fursa na kuamua kuifanyia kazi. Pongezi za kutosha kwake.

Mtandao huu unakuja kuleta ushindani mkubwa kwa mitandao kama Mdundo, Mkito na Muziki ambayo ilitangulia kufanya biashara hiyo. Wasanii ni wengi hadi sasa waliyokubali kuweka kazi zao katika mtandao huo. Nimemuona Prof Jay, Navy Kenzo, Barnaba, Kasimu Mganga, Harmonize, Billnas, Saida Karoli, Ray C, Belle 9, Chenge na Temba, Ben Pol na wengineo.
Ni wazi Diamond anazidi kujitunua kisanaa na kibiashara pia, kwa mantiki hiyo hakuna ubishi kuwa ataendelea kuwepo katika muziki huu kwa kipindi kirefu kutoka anafanya kazi na kundi kubwa la watu ambalo linahudumu katika ‘sekta’ ya muziki. Kwa hiyo usitengemee jamaa atashuka kimuziki miaka ya hivi karibuni, hilo sahau kwa sasa na ni vema ukaendelea na mambo mengine kuliko kukaa na kuwaza hilo. Narudia teno hilo sahau kwa sasa.

Mambo anayofanya ndiyo yanamfanya kuendelea kusalia juu. ‘Hakuna uchawi wala ndumba’ alijisemea Prof Jay katika wimbo wake wa Zali la Mentali. Kiufupi Diamond mwenye ametaka iwe hivyo.
Unawekeza kutoka moyoni Aliyekuwa mtangazaji wa redio na mwandishi wa vitabu nchini Marekani (1938-1946) Earl Nightingale aliinua mkono wake na kuandika maneo yasemayo “watu wenye malengo hufanikiwa kwa sababu wanajua kule wanakoelekea kimaisha.”

Wakati Diamond anaondoka Sharobaro Records kwa Bob Junior, sehemu iliyomtoa kimuziki alienda kuanzisha kitu kinaitwa ‘Wasafi’. Neno Wasafi lilikuwa likisikika kwenye nyimbo zake nyingi lakini wengi walizani zilikuwa mbwembe tu. Nani kakudanganya, tena nikupe pole sana. Diamond alikuwa akiishi katika maneno ya Earl Nightingale, alikuwa anajua anapoelekea na Wasafi hakuitaja tu bure, alijiona hapa alipo sasa.
Hakuna aliyetengemea kuwaWasafi itakuja kuwa lebo kubwa nchi ya kusamimia wasanii na kufanya biashara mbali mbali za muziki lakini ndilo tunaishi nalo kwa sasa. Kwani ameenda kwa mganga?, wee!, tena ishia hapo hapo. Siri ni moja tu, Diamond ni msanii aliyewekeza sana katika muziki wake, tunapozungumzia uwekezaji si fedha pekee bali hata muda.
Kuna baadhi ya wasanii wana uwezo mkubwa sana lakini wamekuwa wagumu kuwekeza, mikono yao imekuwa migumu kuzama mfukoni na muda wao mwengi umekuwa ukichukulia baadhi ya mambo yasiyokuwa na uhusiano wa moja kwa moja na muziki wao. Moja ya nukuu kutoka kwa Anna Kleimer ni ile inayosema, “fanya unachopenda, na penda unachofanya”. Hii kanuni rahisi sana ambayo inawezesha watu kufikia malengo yao. Kwa asilimia kubwa watu mwenye mafanikio makubwa dunia ni wale wanafanya yale wanayoyapenda kutoka ndani.
Diamond anapenda muziki wake ndio maana anamwaga fedha kuwekeza, kuna wasanii wanafanya uwekezaji mkubwa nje ya muziki wao na wamefanikiwa huko, si jambo baya lakini kufanya hivyo ni kumuhakikishia Diamond kuzidi kutawala Bongo Fleva kwa kipindi kirefu zaidi, wala hakuna uchawi.

Chukua hii kwanza
Kuna mambo huwa nikikumbuka naishia kucheka tu. Miaka kadhaa nyuma kulikuwa kunaripotiwa visa vya mganga fulani aliyekuwa akidai ni mganga wake ni Diamond. Mganga alikuwa akidai kuwa yeye ndiye aliyemtoa Diamond na mafanikio yake anahusika hata ushindi wa tuzo saba za KTMA mwaka 2015 anahusika. Sikumshangaa kwa sababu hii imeshakuwa ni tabia kwa baadhi yetu kuamini mtu anapofikia mafanikio fulani katika umri mdogo lazima kuna jambo nyuma ya pazia.
Kiufupi hatuamini katika juhudi binafsi. Sikuwahi kuamini katika maneno ya mganga yule, ila nilijua hata Diamond akitetea vipi hatu hawawezi kumuamini, lakini niliamini kuwa muda na juhudi zake ipo siku zitatupa jibu. Muda hutoa majibu ya baadhi ya maswali yanayoshindikani katika nyakati fulani. James Richardson raia wa Marekani alifungwa jela kwa kusingiziwa lakini baada ya kutumikia kifungo chake kwa miaka 21 ilibainika hakuwa na hatia hivyo akaachiwa huru.
Hivi ndivyo muda hutoa majibu yake. Sasa tunamuona Diamond katika ‘level’ za mbali zaidi kuliko kile kipindi cha hayo maneno, je yule mganga yupo wapi?, akiibuka tena leo wangapi watakaomuamini. Bila shaka jibu litakuwa ‘Acha maneno weka muziki.’ Ndiyo, hilo ndilo jibu pekee kwa sasa, kwani Diamond tunamuona jinsi anawekeza, anatengeneza ‘connection’ na watu mbali mbali wa ndani na nje na vile anavyobrand muziki wake. Tusimame hapo kwanza.

Biashara ni wateja
Biashara yoyote dunia inatengemea wateja ili iweze kujiendesha na kumletea faida yule anayeimiliki au kuisimamia. Biashara ya kuuza muziki kupitia mdandao wa Wasafi.com naiona ikimuugiza Diamond fedha nyingi kwa kuuza tu nyimbo zake binafsi kutokana na ‘fun base’ (followers) kubwa aliyonayo katika mitandao ya kijamii.
Diamond ndio msanii anayeongoza kufuatiliwa na watu wengi mtandaoni kwa hapa Bongo, watu zaidi ya milioni tano wanamfuatilia. Katika mtandao wa instagram ana watu milioni 3.4, twitter 363,000 na Facebook milioni 2.9 (takribani milioni tatu).
Idadi hii ya watu ndio inampa Diamond ‘kiburi’ cha kusema kwa sasa hatengemei radio na TV kama njia ya kutangaza muziki wake. Watu milioni tano ni wengi sana na kila siku wanaongezeka, uzuri ni kwamba jamaa mwenye kaona fursa ndani yao. Kama nusu ya watu hao, yaani milioni 2.5 wataamua kununua wimbo wake mmoja kupitia Wasafi.com kwa sh. 300, Diamond atakuwa ameingiza sh, 750,000,000 (milioni mia 750). Nimegawa idadi hiyo ya watu nusu kwa kuwa wapo wanamfuatilia katika mitandao yote mitatu.
Kwa hesabu vilivyo wazi kiasi hiki bado mtasema ameloga au anafanya biashara fulani ya magendo, bila shaka huu utakuwa ujinga wa kiwango cha PhD, si bure. Hapo bado hatujaangalia ‘show’ zake anazofanya kuanzia Bongo hadi nje, kampuni mbali mbali anazofanya nazo biashara ya matangazo na kadhalika, kiufupi jamaa ‘kajiloga’ mwenyewe tu na hii iwe fundisho kwa wasanii wengine.


Na Peter Akaro
Author Professional: Jounalist
Contact: 0755 299596


Chanzo: Bongo 5

ZARI - NATAKA HARUSI YANGU NA DIAMOND IWE KUBWA NA YA GHARAMA KUWAHI KUTOKEA AFRIKA MASHARIKI

By: VIJIMAMBO on February 09, 2017 / comment : 0 ,

Zari The Bosslady amedai kuwa anataka harusi yake na Diamond Platnumz iwe kubwa na yenye gharama kuwahi kufanyika Afrika Mashariki.
Hata hivyo, itafanyika baada ya kuwa wamefanya mambo ya muhimu zaidi ikiwemo kujijenga zaidi walivyo sasa. Akizungumza kwenye kipindi cha Leo Tena cha Clouds FM Alhamis hii, Zari amedai kuwa suala la kufunga ndoa sio kitu kinachowapa pressure.
Amedai kuwa hawajawahi kukaa chini na kuwa na majadiliano ya kina kuhusu ndoa, licha ya hadi sasa kuwa na watoto wawili, Tiffah na Nillan. Staa huyo wa Uganda amedai kuwa moja ya mambo ambayo wanataka kufanya ni kuhakikisha kwanza wanawajengea watoto wao apartments zao zitakazowasaidia katika maisha yao hata kama wazazi wao wasipokuwepo.
Hata hivyo Zari amedai kuwa mwezi March mwaka huu Diamond ataenda rasmi kujitambulisha kwa baba yake na kuhalalisha uhusiano wao pamoja na kuomba mkono wa ndoa.

NAPE AWAKINGIA KIFUA MASTAA WALIOTUHUMIWA KUJIHUSISHA NA BIASHARA YA UNGA

By: VIJIMAMBO on February 06, 2017 / comment : 0 , , , , , ,

Waziri wa Habari, Utamaduni, Sanaa na Michezo, Nape Nnauye amewakingia kifua mastaa waliotuhumiwa kuhusika na biashara ya dawa za kulevya, akieleza kuwa busara inahitaji katika kupambana na vita hiyo.

Licha ya kuunga mkono jitihada za serikali kupambana na biashara hiyo haramu, Nape amedai kuwa kuwatuhumu mastaa bila kuwa na uthibitisho ni kubomoa ‘brand’ zao walizohangaika kuzitengeneza kwa miaka mingi.
“Kutengeneza brand ni kazi kubwa sana, kuibomoa brand inaweza kuwa ni jambo la siku moja, tena la sekunde,” Nape amewaambia waandishi wa habari Jumapili hii.
“Kusema bana huyu kichaa the brand is destroyed. Lakini lazima kukaa chini kufikiria kwamba mwisho wa siku tunataka tupate matokeo gani. Ni vizuri kuliangalia tunalifanya katika namna ambayo inalinda haki ya mtuhumiwa ya kumpa room ya kesho na kesho kutwa kama ikithibitika kwamba hahusiki bado aliregain brand ama heshima ambayo atakuwa ameitengeneza,” aliongeza.
“Suala la njia iliyotumika niiache public ijadili na itaamua. Mkuu wa mkoa ni mwenyekiti wa kamati ya ulinzi na usalama kwahiyo hawajabiki kutuuliza, akitaka anaweza kutuuliza. Lakini kwamba tulihusishwa hatukuhisishwa.”
Wema Sepetu, Vanessa Mdee, Mr Blue, TID ni miongoni mwa mastaa waliotajwa kwenye orodha ya mkuu wa mkoa wa Dar es Salaam, Paul Makonda.

Diamond, Alikiba na Navy Kenzo washinda tuzo za Hipipo za Uganda

By: VIJIMAMBO on February 06, 2017 / comment : 0 , , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Diamond Platnumz, Alikiba na Navy Kenzo wameshinda tuzo za Hipipo 2017 zilizotolewa Jumamosi hii nchini Uganda.

Kwenye tuzo hizo, Navy Kenzo walitumbuiza.

Hizi ndizo tuzo walizoshinda wasanii hao:

East Africa Best Video – Salome by Diamond Platnumz ft Ray Vanny
East Africa Best New Act – Navy Kenzo
East Africa Super Hit – Unconditional Bae by Sauti Sol & Alikiba
Song of the Year Kenya – Unconditionally Bae by Sauti Sol & Alikiba
Song of the Year Tanzania – Aje by Alikiba
Quinquennial Africa Music Vanguard Award – Diamond Platnumz

VIDEO: RIDHIWANI KIKWETE AFAFANUA KWANINI ILIKUWA NI AIBU KWA TFF NA WAZIRI, DIAMOND KUKABIDHIWA BENDERA KWENDA GABON

By: VIJIMAMBO on February 02, 2017 / comment : 0 , , ,

Ridhiwani Kikwete aliingia kwenye headlines mwanzoni mwa mwezi uliopita pale alipoandika post Instagram akisikitishwa na kitendo cha Diamond kukabidhiwa bendera na Waziri wa michezo, Nape Nnauye kwenda kutumbuiza kwenye ufunguzi wa kombe la mataifa ya Afrika, nchini Gabon.
Mbunge huyo wa Chalinze, amedai kuwa, post yake haikumlenga Diamond, bali aliwapa ujumbe shirikisho la soka Tanzania, TFF na Waziri Nape.
“Kilichonifanya niandike ile meseji ni baada ya kuona kwamba mashindano yanayoenda kufanyika ni ya mpira wa miguu, sisi tunayo timu ya taifa ya mpira wa miguu, lakini to our surprise, badala ya kutoa bendera kwa timu ya mpira wa miguu, tunawapa waburudishaji kwa maana ya wanamuziki kama Diamond,”
Ridhiwani alisema kwenye mahojiano na The Beauty TV.
“Matarajio yetu sisi ni kumuona kapteni wa taifa ndiye anayepokea bendera na sio wanamuziki,” ameongeza. “Pia watu wa TFF, kwamba nao wanashangilia yale anayoyafanya waziri?” Hivi vitu lazima tuwe serious.”
“Diamond yeye nampongeza sana, kwa hatua aliyofika, anafanya kazi nzuri, na ndio maana watu wamemuona, wamempa nafasi ya kwenda kutumbuiza ambayo sisi kama watanzania we feel proud. Lakini the bottom line ni kwamba, nini agenda kubwa inayomfanya Diamond aende Gabon? Ni mpira wa miguu, Diamond si mchezaji wa mpira wa miguu, hata kama labda anashabikia mpira wa miguu, lakini yeye ni mshabiki tu, wanaoenda kushiriki pale ni wachezaji.”
Ridhiwani amekiri kuwa kitendo hicho kilimsikitisha na ndio maana hakupenda kukaa kimya.
“Si kwamba sikupenda kwasababu amepewa Diamond, hapana, sikupenda kwa sababu, matarajio ya mimi mpenzi wa mpira ni kumuona kapteni wangu wa timu ya taifa anapokea bendera kwa niaba ya watanzania wote, anakwenda kutuwakilisha kule, hata kama tutashindwa, hata kama tutafanikiwa lakini anayetakiwa kwenda kule ni kapteni wa timu ya mpira wa miguu kwenda kutuwakilisha kama taifa na si vingine.”

Waziri Nchemba atembelea WCB, aahidi kuongeza kasi ya kulinda kazi za wasanii

By: VIJIMAMBO on December 30, 2016 / comment : 0 , , ,

Waziri wa Mambo ya ndani ya Nchi, Mwigulu Nchemba wiki hii alitembelea ofisi ya WCB iliyopo Sinza Mapambano jiji Dar es salaam na kujionea uwekezaji uliofanywa na label hiyo ambayo ipo chini ya Diamond Platnumz.
Waziri huyo kijana aliweza kuzungumza na viongozi wa label hiyo na kuangalia namna ambavyo serikali inaweza kudhibiti wizi wa kazi za wasanii.

Baada ya kumaliza mazungumza hayo, Waziri Nchemba kupitia instagram yake aliandika:

    #Wizi wa kazi za wasanii #Jeshi la polisi kuongeza nguvu

Pia alisema kuwa serikali haitasita kuwapa msaada pale watakapokwama na kuhitaji usaidizi wa serikali.


PICHA: WASAFI WAFANYA SHOW MKOANI IRINGA

By: VIJIMAMBO on December 26, 2016 / comment : 0 , ,

Usiku wa Dec 25, 2016  wakali wa Bongo Fleva akiwemo Diamond Platnumz, Harmonize, Rayvanny, Queen Darleen, Q Boy, Chege pamoja na msanii kutoka Nigeria Kcee wameandika historia katika mkoa wa Iringa.

Show hiyo iliyopewa jina la Wasafi Festival imefanyika katika uwanja wa Samora Stadium, hizi ni baadhi ya picha kutoka mahali palipofanyika tamasha hilo.

SOMA YALICHOANDIKA MAGAZETI YA MALAWI KUHUSIANA NA SHOW YA DIAMOND

By: VIJIMAMBO on November 03, 2016 / comment : 0 , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Diamond Platnumz alitumbuiza kwa mara ya kwanza nchini Malawi Jumamosi iliyopita. Licha ya mvua kubwa iliyonyesha kiasi cha kuisimamisha show, mashabiki wengi walisubiri hadi ikatike ili waweze kushuhudia akitumbuiza na kwa mujibu wa magazeti na blogs za nchini humo, show yake ilibamba.

Diamond amepost picha kwenye Instagram, inayoonesha baadhi ya vichwa vya habari kwenye magazeti ya nchini humo.
Chini ni habari ya gazeti la The Times yenye kichwa cha habari: Lengthy wait for Diamond
A remarkable audience on Saturday endured a long wait for award-winning Tanzanian artist Diamond who performed at the Sand Music Festival at Sunbird Livingstonia in Salima in the early hours of Sunday.
While some could not afford the stretched delay and went to sleep, many feeling hard done by the entry fee of K25,000 on the door for three days and K20,000 for National Bank’s Mo 626 and TNM’s Mpamba service braved the wait.
The Tanzanian star according to a programme schedule was expected to jump on stage at midnight and bow out at 2am but instead he jumped on stage at 4:54am and left at 6:30am.
Diamond with his 16-member team came to the backstage for the show when the equipment on the main stage was still being balanced. The artist stayed for a while at the backstage while singer and guitarist Lulu and his Mathumela Band were on stage but could not perform because the equipment was not balanced.
In fact Lulu, who was billed to perform at 11pm up to midnight only, dished out two songs to pave way for Diamond as people could not extend their wait any more. Some even started shouting at Lulu to move out of the stage as he was still doing sound check and he had to reason with them that it was important to do the sound check to clear the way for Diamond.
On stage apologised to the audience for coming on stage late and attributed this to rains and heavy winds that came up.
“I just want to say thank you for the support you have given me and I don’t take this for granted. I was supposed to perform at 12 but there were rains so it was difficult but still more I stayed on to do it even if it is now morning,” said the artist.
He went on to tell the audience that he would perform all the songs they knew and those they did know as the mammoth audience cheered him on. And true to his word, Diamond delivered an omelette of a performance that was flavoured by his sleek dance moves and there was a moment when he also jumped off stage to interact with the audience closer.
He started off his set with some songs which were unfamiliar to the people including Mapenzi before moving on to playing some of the well known renditions that had people singing along.
Diamond sang with power and with his dancers showed their energetic dance moves.
The artist, performing for the first time in Malawi, even engaged a young lady in one song and then four ladies in another song bringing them to the stage and danced with them. By public demand, Diamond, who wore a black hat, also performed the song Nana twice. Some of the songs he dished out include Kidogo, Number One and Moyo Wangu.
It was a performance that was worth an international headliner and when he bowed out people could only nod their heads in appreciation. “Thank you Malawi for the support. I have enjoyed performing in front of you,” said the artist.
It also took time for the artist, who was expected to hold a press conference later yesterday to go to his room as people mobbed him to take photographs. Although some people were tired and sleepy having stayed awake all night, Lulu performed after Diamond followed by Black Missionaries.
The day on Saturday started with high hopes from people having been disappointed with the first day when some performances ended prematurely due to power problem. The main stage’s roof also was low as it was only built on the opening day which irked fans.
But the main stage was fixed later and looked presentable but power shortage forced it not to hold performances and this started with veteran Paul Banda and Alleluya Band, who were shifted to the smaller stage. And despite being pushed to this smaller stage, Paul, Coss Chiwalo and Paul Subiri did well with their performances that had the audience on the dance floor from start to finish.
Several other acts which were set to take place at the main stage including gospel stars Ethel Kamwendo Banda, Thocco Katimba and Great Angels Choir, Tay Grin, Zambia’s Organised Family and Dan Lu among others were pushed to the smaller stage where the sound was not up to scratch.
It was during the time people were enjoying performances on the smaller stage that rains and winds started followed by power going off.
The heavy winds actually blew off some of the tents.
“I am satisfied with Diamond although I am sad he came late. I would forgive the organisers for the delay because there were reasons but they missed out big time on a lot of areas. Last year it was better but this year there was no improvement,” said a fan Gerald Tembo.
Shyreen Mlenga, who was frustrated also pointed out that as a festival there was no clear programme on the artists performances and that people kept on playing guess work.
“So many things were not done well from power shortages which they could have handled well. They surely need to improve otherwise I am happy Diamond performed,” he said.
Other acts which performed on Saturday on the smaller stage include Galang’ombe Boys Band and Dali.
Performances were expected to continue Sunday.

ALIYETOBOLEWA MACHO NA "SCORPION" APEWA PIKIPIKI 5, BAJAJI 2 NA KUAHIDIWA NYUMBA

By: VIJIMAMBO on October 13, 2016 / comment : 0 , , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Said Ally akiwa na Diamond kwenye studio za Clouds FM

Mkuu wa mkoa wa Dar es Salaam, Paul Makonda, amekuwa mstari wa mbele katika kuhakikisha vitu alivyoviahidi kwa kijana Said Ally aliyetobolewa macho maeneo ya Buguruni Sheli jijini Dar es Salaam anavipata. Alhamis hii, ametimiza yote aliyoahidi na mengine.
Katika ahadi zake, Makonda aliahidi kumchangia Said shilingi milioni 10 na leo hii amemkabidhi rasmi kiasi hicho. Pia amesema kupitia watu na taasisi mbalimbali, atapewa pikipiki tano na Bajaji mbili. Kama hiyo haitoshi, Makonda alisema kampuni ya GSM imeahidi kumnunulia nyumba kijana huyo .
“Nimeleta milioni 10 zangu siwezi kusahau lakini hili namuachia mwenyezi Mungu, naomba nikukabidhi, nashukuru na wale walioniunga mkono katika kumpatia Bodaboda 5 na Bajaj mbili ambazo zimetoka katika makampuni tofauti tofauti,” alisema Makonda.

DIAMOND KUMLIPA SAIDA KAROLI ASILIMIA 25 YA USAMBAZAJI WA NYIMBO YA "SALOME"

By: VIJIMAMBO on September 20, 2016 / comment : 0 , , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Diamond amedai kuwa Saida Karoli atapata asilimia 25 ya mapato ya wimbo wa Salome.

Diamond amerudia baadhi ya vitu kwenye wimbo wake mpya ‘Salome’ aliomshirikisha Raymond kutoka kwenye wimbo wa ‘Maria Salome’ wa Saida Karoli uliotoka takribani miaka 16 iliyopita.
Akiongea na 255 ya Clouds FM Jumatatu hii, hitmaker huyo wa Kidogo amesema kuwa walizungumza na uongozi wa Saida Karoli na kumpatia kiasi cha fedha pamoja na asilimia 25 ya usambazaji wa wimbo huo.
“Kitu tulichokifanya kabla ya kurelease wimbo, tulizungumza na uongozi wake, tukawaambia tunafanya hiki na hiki na kuna kiasi pia tukakitoa ili kiende kwake halafu tukampa 25% ya kuisambaza nyimbo hiyo. Kila income ya usambazaji ikiwa inaingia katika huu wimbo, mama atakuwa anapata percent,” amesema Diamond.
Mpaka sasa video ya ‘Salome’ ya Diamond ina siku mbili tangu ilipoachiwa kwenye mtandao wa YouTube lakini imefanikiwa kutazamwa mara 659k.

VIDEO: DIAMOND AKUTANA NA MCHEKESHAJI WA MAREKANI, KEVIN HART

By: VIJIMAMBO on September 02, 2016 / comment : 0 ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Diamond Platnumz ameianza vyema safari ya kutafuta tobo Marekani. Staa huyo ambaye yupo jijini Los Angeles, Marekani ambako tayari ameshoot video ya wimbo Marry You aliomshirikisha Ne-Yo, amekutana na mmoja wa mastaa maarufu sana Marekani. Amekutana na mchekeshaji na muigizaji wa filamu, Kevin Hart.
Amepost kipande cha video Instagram akiwa na muigizaji huyo wa Central Intelligence anayesikika akiwasalimia followers wa Diamond.


Kwa mujibu wa caption hiyo, inaonekana Diamond amefanya kazi na kampuni ya staa huyo, Hart Beat Productions.

PICHA: DIAMOND AFANYA KUFURU KWENYE SHOW YAKE MERU NCHINI KENYA

By: VIJIMAMBO on August 29, 2016 / comment : 0 , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


 Diamond Platnumz ana miaka mingi ya kuvuna mapesa kutokana na show zake. Kutoka kwenye mapokezi yaliyovunja rekodi, Meru nchini Kenya hadi kuangusha show iliyohudhuriwa na makumi kwa maelfu ya mashabiki wenye kiu, staa huyo ameendelea kujiweka kwenye ligi yake mwenyewe.
 Ilikuwa ni show ya mtu mmoja na kwa picha alizoweka kwenye page yake ya Instagram, inaonesha jamaa alihama na kijiji. Tazama picha hapo chini.




DIAMOND ANUNUA NYUMBA NCHINI AFRIKA YA KUSINI BAADA YA KUCHOKA KUKAA HOTELINI

By: VIJIMAMBO on August 23, 2016 / comment : 0 ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Msanii wa muziki wa Bongo flava, Naseeb ‘Diamond’ Abdul, amefunguka sababu hasa iliyomfanya anunue nyumba ya makazi Ughaibuni nchini Afrika kusini.

Akizungumza jana, Simba amedai sababu kubwa ni yeye mwenyewe kupata urahisi wa makazi anapoenda kikazi nchini humo na urahisi wa familia yake ambayo imekuwa ikiishi huko pia.

Diamond amesema kilichomsukuma zaidi ni Mtoto wake Latiffah ‘Tiffah’ na mwingine ambaye ameweka wazi atazaliwa hivi karibuni.

“Mimi mwenyewe kwanza nipate urahisi wa makazi nikiwa kule, nimechoka kuhangaika mahotelini, lakini familia yangu ipo kule mwanangu Tiffah na mwingine ambaye anakaribia kuja kwa hiyo nawawekea mazingira bora wasijeona kwamba baba anazalisha tu” Alisema.

WASANII, WATANGAZAJI NA WATU MAARUFU KUVUNA MAPESA KUTOKANA NA MITANDAO YAO YA JAMII

By: VIJIMAMBO on August 02, 2016 / comment : 0 , , , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Mkurugenzi wa Kampuni ya Aggrey and Clifford, Rashid Tenga alielezea machache mbele ya wageni na waandishi wa habari waliohudhuria uzinduzi huo juu ya huduma mpya ya matangazo katika bara la Afrika utakaowanufaisha watangazaji, wasanii na watu maarufu uliofanyika jijini Dar es Salaam. Kushoto ni Katibu Mkuu wa Waziri wa Habari, Utamaduni, Sanaa na Michezo, Profesa Elisante Ole Gabriel na Kulia ni Mkurugenzi wa Ukuzaji Biashara wa Binary, Eni Kihedu. PICHA ZOTE NA CATHBERT KAJUNA WA KAJUNASON BLOG.
Katibu Mkuu wa Waziri wa Habari, Utamaduni, Sanaa na Michezo, Profesa Elisante Ole Gabriel (katikati) akimsifia msanii Diamond Platinumz kwa jinsi ambavyo amekuwa akiitanga Tanzania nje ya nchi kwa muziki wake.
Katibu Mkuu wa Waziri wa Habari, Utamaduni, Sanaa na Michezo, Profesa Elisante Ole Gabrielakimsifia Wema Sepetu jinsi ambavyo amekuwa akilitunza jina lake.
 Msanii Diamond Platinuz akitoa shukrani zake za pekee kwa niaba ya wasanii walihudhuria hafla hiyo.
Mkurugenzi wa Kampuni ya Aggrey and Clifford, Rashid Tenga (kushoto) akizunguza na Katibu Mkuu wa Waziri wa Habari, Utamaduni, Sanaa na Michezo, Profesa Elisante Ole Gabriel wakati wa uzinduzi wa huduma ya matangazo kutumia teknolojia ya kidigitali ambayo itawezesha watangazaji wa biashara kutangaza biashara zao kwa kuwatumia wasanii na watu maarufu katika jamii iliyofanyika jijini Dar es Salaam. Pembeni ni
Wageni waalikwa waliohudhuria shughuli hiyo.
Wasanii waliohudhuria shughuli hiyo.
Waandishi nao hawakuwa nyuma kufuatilia tukio.
Huduma ya matangazo kidigitali kwa kutumia wasanii na watu maarufu yaanzishwa nchini.
Kampuni inaoongozwa kwa kutoa huduma ya matangazo ya biashara nchini ya Aggrey & Clifford imezindua kitengo cha kutoa huduma ya matangazo kutumia teknolojia ya kidigitali ambayo itawezesha watangazaji wa biashara kutangaza biashara zao kwa kuwatumia wasanii na watu maarufu katika jamii ambayo itanufaisha pande zote zitazoshiriki kutumia huduma hii .
Huduma hii ya kisasa inayoendana na wakati wa sasa wa kizazi kipya inawezesha matangazo kuwafikia walengwa wengi na kwa haraka inasimamiwa na kampuni tanzu ya masuala ya huduma za matangazo ya biashara kwa kutumia teknolojia ya kidigitali ya Aggrey&Clifford inayojulikana kama Binary.
Uzinduzi wa kitengo hiki cha matangazo kwa kutumia teknolojia ya kisasa itakayoleta mapinduzi katika sekta ya matangazo ya biashara nchini umefanyika jana katika hoteli ya Hyatt Regency ambapo mgeni rasmi alikuwa ni Katibu Mkuu wa Waziri wa Habari, Utamaduni, Sanaa na Michezo, Profesa Elisante Ole Gabriel na ilihudhuriwa na wataalamu wa masoko kutoka makampuni ya FMCG, huduma za mawasiliano,mabenki na taasisi mbalimbali za biashara ikiwemo wasanii na wanamichezo.
Kampuni ya Binary kwa kuanza tayari inashirikiana na wasanii na watu maarufu Zaidi zaidi ya 40 ambao miongoni mwao wapo wasanii wa filamu,wanamuziki,watangazaji maarufu wa redio na luninga. Kutokana na ushirikiano huu Binary itawatumia katika huduma za matangazo za wateja mbalimbali wanaotangaza huduma na bidhaa zao kidigitali ili kuwafikia watumiaji wa huduma/bidhaa wengi na kwa urahisi.
Huduma hii mpya ya matangazo katika bara la Afrika unanufaisha watangazaji kwa huduma zao kuwafikia wananchi ama wateja wengi kutumia umaarufu wa wasanii na watu maarufu ambao pia wananufaika kwa kupata mapato ya uhakika kutokana na kutumiwa kwao katika huduma ya matangazo na pia ina unafuu kulinganisha na njia nyingine za matangazo.
Profesa Elisante Ole Gabriel alisema kuwa serikali inao dhamira ya kuwasaidia wasanii wa tasnia mbalimbali na wanamichezo na alipongeza kuanzishwa kwa huduma hii nchini ambao itaongeza ajira na vipato vya wasanii wakati huohuo kunufaisha makampuni kwa njia ya matangazo ya biashara zao.
Naye Mkurugenzi wa Ukuzaji Biashara wa Binary, Eni Kihedu amesema “Huduma hii mpya ni jukwaa la aina yake lya matangazo ya baiashara kwa kuwa inawezesha matangazo kuwafikia walengwa kwa asilimia 100% kwa kulinganisha na kutangaza kwa kutumia magazeti na ama majarida na inaleta unafuu kwa watangazaji ambao kwa kutumia mtandao wasanii zaidi ya 40 ambao tunashirikiana nao kupitia akaunti zao za mitandao ya kijamii matangazo yataweza kuwafikia watumiaji wa bidhaa na huduma zaidi ya milioni 20 nchini na tunao uwezo wa kufikia watu wengi zaidi”.
Kuhusiana na huduma hii mpya ya matangazo itakavyonufaisha wasanii Kihedu alisema “Tunatumia fursa ya kutumia teknolojia ya digitali katika biashara ambayo itaongeza vipato vyao wakati huohuo vipaji vyao kuendelea kuonekana kwa watu wengi katika jamii na kuwawezesha kuwekeza zaidi kwenye fani yao na tasnia yao”
Aliongeza kuwa ushirikiano wa Binary na wasanii katika huduma za matangazo utafanyika kwa uwazi na kunufaisha pande zote na kutafanyika makubaliano maalumu ya malipo kutokana na viwango vinavyotozwa kwa kila tangazo litakalowekwa kwenye akaunti za mitandao yao ya kijamii na kulingana na wafuasi wanaotembelea akaunti zao.
“Viwango vya matangazo viko wazi kwa watangazaji na wasanii hivyo tunaamini kila upande utanufaika inavyostahili .Tunaamini njia hii ni jukwaa la aina yake kwa watangazaji kufikisha matangazo yao kwa wateja wanaowalenga kwa kuwa njia zilizokuwa zinatumika awali kutangaza hazina nafasi tena kutokana na mabadiliko ya tekonolojia“.Alisema
Subscribe to: Posts (Atom)

Copyright (c) 2024 Gadiola Emanuel All Right Reserved

0784 643 633

Template by AP | Developed by Gadiola Emanuel