HABARI

Theme images by kelvinjay. Powered by Blogger.

MATUKIO

MICHEZO

SIASA

MOTO WAATHIRI MIUNDOMBINU YA UMEME MKOANI RUKWA

By: VIJIMAMBO on June 25, 2017 / comment : 0 , ,



NA RIPOTA MAALUM
WATU wasiojulikana wamechoma msitu wa Kirando wilaya ya Nkasi mkoani Rukwa ambao umeunguza miundombinu ya umeme ya Shirika la umeme Nchini TANESCO.
Kwa mujibu wa taarifa iliyotolewa jioni hii Juni 24, 2017 na Kaimu Meneja Uhusinao wa TANESCO makao Makuu, Bi. Leila Muhaji, imesema, uharibifu huo mkubwa wa miundombinu umeathiri upatikanaji wa umeme kwa wateja wa maeneo ya Kirando na Kipili wanaopata huduma ya umeme ya njia ya msongo mkubwa wa umeme unaopita kwenye maeneo hayo.
“Mafundi wa TANESCO waliofika kwenye eneo hilo, wameshuhudia uharibifu mkubwa ambapo miundombinu ya umeme imeungua na kusababisha hasara kubwa.” Alisema Bi Leila katika taarifa yake kwa vyombo vya habari.
Bi Leila amesema TANESCO inawaomba wananchi wote waishio kwenye maeneo hayo kutoa taarifa kwenye ofisi za TANESCO au kituo cha polisi kilicho karibu ili kuokoa miundombinu ya umeme kwa manufaa ya taifa.
Amesema, tayari vyombo vya ulinzi na usalama kwa kushirikiana na TANESCO wameanza msako ili kuwabaini wahusika ili sheria ichukue mondo wake.
 Afisa wa polisi akiwa eneo la tukio huku akishuhudia jinsi moto huo ulivyoathiri nguzo za umeme

PICHA: MOTO WATEKETEZA JENGO REFU MJINI LONDON

By: VIJIMAMBO on June 14, 2017 / comment : 0 ,

 Watu kadha wamefariki baada ya moto mkubwa kuteketeza jengo refu usiku wa kuamkia leo mjini London.
Wazima moto bado wanakabiliana na moto huo katika jumba la Grenfell Tower, ambapo walioshudia walisema kuwa watu walikwama ndani, wakiitisha msaada.

Zaidi ya watu 50 wanatibiwa hospitalini.
Mwandishi wa BBC alisema kuwa kulikuwa na hofu kuwa jengo hilo lingeporomoka.
Moshi unaweza kuonekana kutoka mbali
Moto huo katika jengo la Grenfell Tower ulianza mwendo wa saa 01:16, saa za Uingereza.
Idara ya wazima moto jijini London ilituma malori 40 ya kuzima moto huo.











  

MOTO WA PETROL WASABABISHA VIFO VYA WATU WATATU PEMBA

By: VIJIMAMBO on March 20, 2017 / comment : 0 ,

Mamia ya wananchi leo wakiongozwa na Mkuu wa wilaya ya Micheweni Abeid Juma Ali na Afisa Mdhamini afisi ya Makamu wa pili wa rais Pemba, Ali Salim Mata kwenye mazishi ya watu watatu wa familia moja, akiwemo mtoto wa miaka sita, waliofariki kutokana na nyumba yao kuteketea kwa moto, uliosababishwa na mafuta ya petroli shehia ya Shumba mjini wilaya ya Micheweni Pemba
Vitu vilivyoungua na kusalimika kwa moto vya marehemu Makame Omar Mata (60) baada ya nyumba yake kuteketea kwa moto na watu watatu akiwemo mtoto wa miaka sita walifariki shehia ya Shumba mjini wilaya ya Micheweni mkoa wa kaskazini Pemba, (Picha na Haji Nassor, Pemba).
Nyumba ya marehemu Makame Omar Mata (60), ilioteketea kwa moto na kusababisha vifo vya watu watatu, akiwemo baba, mama na mtoto wa miaka sita, ajali hiyo iliotokezea shehia ya Shumba mjini wilaya ya Micheweni mkoa wa kaskazini Pemba, ilitokana na mafuta ya petroli.
Nyumba ya marehemu Makame Omar Mata (60), ilioteketea kwa moto na kusababisha vifo vya watu watatu, akiwemo baba, mama na mtoto wa miaka sita, ajali hiyo iliotokezea shehia ya Shumba mjini wilaya ya Micheweni mkoa wa kaskazini Pemba, ilitokana na mafuta ya petroli.
Baadhi ya vitu vilivyoungua na kusalimika kwa moto vya marehemu Makame Omar Mata (60) baada ya nyumba yake kuteketea kwa moto na watu watatu akiwemo mtoto wa miaka sita walifariki shehia ya Shumba mjini wilaya ya Micheweni mkoa wa kaskazini Pemba.
Makame (25) alieungua moto, kwenye ajali ya moto uliotokezea ndani ya nyumba yao na kuuwa watu watatu, akiwa kwenye hospitali ya Micheweni akipatiwa matibabu, baada ya nyumba yao kuteketea yote, moto huo ulisababishwa na mafuta ya petroli.
Omar Makame Omar (19), alisalimika na kuungua kwa moto, ulioteketeza nyumba yao na mama yake, ndugu yake wa miaka sita na baba yake mzazi kufariki, kutokana na kuripuka kwa mafuta ya petrol, shehia ya Shumba mjini wilaya ya Micheweni Pemba.
Sheha wa shehia ya Shumba mjini wilaya ya Micheweni Rahma Mohamed Shaame akizungumza na waandishi wa habari, juu ya tukio la kufariki watu watatu kwenye shehia yake, baada ya nyumba yao kuungua moto, iliosababishwa na mafuta ya petroli.
Nyumba ya marehemu Makame Omar Mata (60), ilioteketea kwa moto na kusababisha vifo vya watu watatu, akiwemo baba, mama na mtoto wa miaka sita, ajali hiyo iliotokezea shehia ya Shumba mjini wilaya ya Micheweni mkoa wa kaskazini Pemba, ilitokana na mafuta ya petroli.
Mamia ya wananchi wakiongozwa na Mkuu wa wilaya ya Micheweni Abeid Juma Ali na Afisa Mdhamini afisi ya Makamu wa pili wa rais Pemba, Ali Salim Mata kwenye mazishi ya watu watatu wa familia moja, akiwemo mtoto wa miaka sita, waliofariki kutokana na nyumba yao kuteketea kwa moto, uliosababishwa na mafuta ya petroli, shehia ya Shumba mjini wilaya ya Micheweni Pemba.

UPDATES: MOTO WATEKETEZA JENGO LA MAKAZI YA ASKARI POLISI MJINI MOSHI

By: VIJIMAMBO on January 26, 2017 / comment : 0 , , ,

Moto mkubwa ambao chanzo chake bado hakijafahamika, umeteketeza jengo la ghorofa mbili la makazi ya Askari wa Kikosi cha Kutuliza Ghasia (FFU) la mjini Moshi usiku huu.
Vikosi vya zimamoto na uokoaji kutoka Halmashauri ya Manispaa ya Moshi na Kiwanda cha Sukari cha TPC vilikuwa vikiendelea na jitihada za kuuzima moto huo.
Mashuhuda wameliambia gazeti hili kuwa moto huo umeanza saa 2: na hadi kufikia saa 4:00 ulikuwa umeteketeza ghorofa ya pili unakosadikiwa kuanzia.
Taarifa za awali zinaeleza kuwa familia zote za askari wa kikosi hicho cha FFU wanaoishi katika nyumba hiyo wamefanikiwa kutoka salama isipokuwa baadhi ya mali zimeteketea.
Mwandishi wa habari hizi ameshuhudia jitihada kubwa zikifanyika za kuuzima moto huo lakini unaonekana kuzidi kushika kasi baada ya gari la Halmashauri kuishiwa maji.
Hii ni mara ya pili kwa jengo hilo kuungua moto, miaka ya hivi karibuni lililipuka moto na vikosi vya zimamoto vilifanikiwa kuudhibiti.
Sehemu ya Familia za Askari waliokuwa wakikaa katika Jengo hilo pamoja na mashuhuda wakiangalia tukio hilo wakati vikosi vya Zimamoto na Uokoaji vikiendelea na jitihada za kuudhibiti moto huo.
Sehemu ya mali zilizoteketea kwa moto huo.
Jitihada za kuuzima moto huo kwa baadhi ya maeneo ndani ya jengi hilo zikiendelea.

MOTO WATEKETEZA SOKO LA KAYANGA MKOANI KAGERA, YAUNDWA TUME KUCHUNGUZA CHANZO CHA MOTO HUO

By: VIJIMAMBO on January 07, 2017 / comment : 0 ,

 Baadhi ya Wafanyabiashara wa mazao ya nafaka wakipakia mabaki ya mazao  yao baada ya vibanda vyao vya biashara kuungua moto kufuatia moto uliozuka usiku wa saa 9:00 usiku wa tarehe 7Januari, 2017,  na kuteketeza sehemu ya soko kuu la Kayanga wilayani Karagwe kwa mara ya pili ikiwa limewahi kuungua tarehe 11 Machi 2016.
 Muuonekano wa Soko Kuu la Kayanga  baada ya vibanda  vya baadhi ya wafanyabiashara kuungua moto kufuatia moto uliozuka usiku wa saa 9:00 usiku wa tarehe 7 Januari, 2017, ikiwa soko hilo limewahi kuungua tarehe 11 Machi 2016. 
 Katibu tawala Mkoa wa Kagera Kamishina, Diwani Athumani akipata maelezo kutoka kwa Kaimu Mkurugenzi wa Halmashauri ya Wilaya ya Karagwe, Adeodata Agustine juu ya janga la moto katika soko kuu la Kayanga alipotembelea soko hilo kujionea athari za moto tarehe 7 Januari 2017.
Katibu tawala Mkoa wa Kagera Kamishina, Diwani Athumani (katikati) akipata maelezo ya uratibu wa majanga kutoka kwa  Mkurugenzi Idara ya Uratibu Maafa Ofisi ya Waziri Mkuu, Brg. Jen. Mbazi Msuya wakati alipotembelea soko hilo kujionea athari za moto tarehe 7 Januari 2017 (kushoto) ni Kaimu Mkurugenzi wa Halmashauri ya Wilaya ya Karagwe, Adeodata Agustine.(PICHA ZOTE NA OFFISI YA WAZIRI MKUU)

Na. Mwandishi wetu.
Kufuatia kuungua kwa mara ya pili kwa soko kuu la kayanga katika Halmashauri ya Wilaya ya Karagwe, Ofisi ya Mkuu wa mkoa Kagera imeiagiza Halmashauri hiyo kuunda timu mara moja na kuanza uchunguzi wa chanzo cha moto huo katika soko hilo, ambalo kwa mara ya kwanza liliungua  tarehe 11 Machi, 2016.

Sehemu ya soko kuu la Kayanga imeungua usiku wa kuamkia tarehe 7 Januari, 2017, saa 9:00 usiku, ambapo vibanda 52 vilivyojengwa kwa mbao na meza 24 za wafanyabashara wadogowadogo wa nafaka, matunda na mbogamboga vimeteketea kwa moto pamoja na mali za wamachinga waliokuwa wanapanga chini wapatao 33 nao mali zao zimeteketea kwa moto.

Akiongea mara baada  ya kukagua athari za janga la moto katika soko hilo Katibu tawala wa Mkoa wa Kagera Kamishina Diwani Athumani, leo tarehe 7 Januari, 2017,  na kuteketeza sehemu ya soko kuu la Kayanga wilayani Karagwe kwa mara ya pili ikiwa limewahi kuungua, amebainisha kuwa tayari Halmashauri ya wilaya hiyo imeshatekeleza maelekezo yao ya kuunda timu ya uchunguzi ambayo inaanza kutekeleza majukumu yake kesho, tarehe 8 Januari, kwa muda wa siku nne.

“Tumeunda timu tujue kwa nini hili soko linakuwa na majanga ya moto ya mara kwa mara, nawaomba wananchi wote wa Kayanga toweni ushirikiano wa kutosha kwa timu hii na yeyote mwenye taarifa ya chanzo cha moto awasilishe taarifa zake kwenye kamati ya ulinzi na usalama ya wilaya hii”  Alisisitiza Athumani.
Aidha, Athumani alifafanua kuwa yeyeyote atakaye bainika kuwa ndo chanzo cha kusababisha majanaga ya moto kutokea mara kwa mara katika soko  hilo hatua stahiki zitachukuliwa kwa kuwa  kuungua kwa soko hilo kumekuwa kusababisha hasara kubwa kwa wafanyabiara wa soko hilo.
Akiongea wakati wa ziara hiyo, Kaimu Mkurugenzi wa Halmashauri hiyo, Adeodata  Agustine, amefafanua kuwa thamani ya awali ya mali iliyoteketea inakisiwa kuwa Tsh, 80,000,000/= (mazao ya nafaka, mbogamboga , matunda pamoja na nguo na bidhaa za dukani), na thamani ya vibanda ni Tsh, 52,000,000/= na meza ni 9,600, 000/=.

“Chanzo cha moto hadi sasa hakijajulikana na kikosi cha zimamoto kwa kushirikiana na na Polisi na TANESCO wanaendelea na uchunguzi, taarifa hii ni ya awali tutapata taarifa kamili ya thamani ya mali na chanzo cha  janga la moto baada ya timu kukamilisha kazi kwa muda uliopangwa” alisema Adeodata.

Naye mwenyekiti wa Wafanyabiashara wa Soko kuu la Kayanga, Wilton William, aliishukuru halmashauri hiyo kwa juhudi walizo zifanya za kuzima moto huo pamoja na hatua walizozichukua za kuchunguza chanzo cha moto huo amabao umeunguza soko hilo kwa mara ya pili mfululizo.

Soko la Kayanga lina jumla ya vibanda 257, ambapo  vibanda 122  vimejengwa kwa matofari, na vibanda 135 vimejengwa kwa mbaao.  Katika tukio la janaga la moto la mwaka jana vibanda 117 ikiwa  ni viband 83 vya mbaao na 34 vya tofari viliteketea kwa moto.

OFISI YA KIJIJI CHA MTYANGIMBOLE YA CHOMWA MOTO - RUVUMA

By: VIJIMAMBO on December 31, 2016 / comment : 0 ,

 Songea District Commissioner Pololeti scraping showing one part of that fire is still burning.
 That's the reality of how ilivyoungua for local office
 Documents government Mtyangimbole village being been lost to fire and ashes remain.
 The executive director of the Council of Madaba Shafii first lover left as ensure its matter at a meeting of the villagers who were held after finishing firefighting
Songea District Commissioner Pololeti Mgemaakizungumza and residents of the village of Mtyangimbole after firefighting exercise ended. For details of this story check out the video. (Information and RUVUMA TV )

MOTO WATEKETEZA NYUMBA 50 WAMILIKI WAKE WAKILA KRISMASI

By: VIJIMAMBO on December 27, 2016 / comment : 0 ,

MOTO mkubwa umezuka na kuteketeza nyumba zaidi ya 50 katika kisiwa cha Kasalazi kilichopo kwenye Halmashauri ya Wilaya ya Buchosa mkoani Mwanza.

Tukio hilo lilitokea juzi saa 3:00 usiku, linadaiwa kuwa ni la nne kutokea kisiwani humo katika miaka ya karibuni.

Imeelezwa kuwa moto huo ulizuka na kuteketeza nyumba hizo huku wamiliki wake wakiwa kwenye shamra shamra za Krismasi.

Nyumba zilizoteketea kwa moto ni zile zilizojengwa kwa kutumia mabanzi ya miti, mbao na kuezekwa kwa maturubai, nyasi na baadhi kwa bati.Chanzo cha moto huo bado hakijafahamika.

Mwenyekiti wa Kitongoji cha Kasalazi, Andrew Mkama, amesema  kuwa wakati tukio hilo linatokea, wakazi wengi wa kisiwa hicho walikuwa kwenye kumbi mbalimbali za starehe kusherehekea kuzaliwa kwa Yesu Kristo zaidi ya miaka 2,000 iliyopita.

Mkama alisema alilazimika kupuliza filimbi kuashiria hatari na wananchi walijitokeza na kuanza jitihada za kuuzima moto huo licha ya kwamba tayari ulikuwa umeshasababisha madhara makubwa kwa kuunguza mali zote zilizokuwa ndani yake.
 
Hata hivyo alisema hakuna mtu aliyekufa wala kujeruhiwa kutokana na janga hilo.

Baadhi ya mashuhuda wa tukio hilo, walisema moto huo umesababisha hasara kubwa kwao.

Mmoja wa mashuhuda hao, Raphael Bituro, anayemiliki duka la vinywaji, alisema baada ya kupulizwa filimbi kuashiria hali ya hatari, baadhi ya wateja wake walikurupuka bila kulipia vinywaji vyao na hivyo kusababisha apate hasara.

Mkuu wa Wilaya ya Sengerema, Emmanuel Kipole, alithibitisha kisiwa hicho kuungua kwa moto.

Kipole alisema ameagiza kufanyika kwa uchunguzi ili kubaini ukubwa wa madhara hayo na kuahidi kutoa taarifa zaidi atakapopewa ripoti hiyo.

Kisiwa hicho kinakadiriwa kuwa na wakazi zaidi ya 2,400 ambao hujihusisha na shughuli za uvuvi na ni miongoni mwa visiwa vinane vilivyopo kwenye Kata ya Bulyaheke wilayani Sengerema.

MOTO WATEKETEZA MABANDA 100 YA WAFANYABIASHARA SOKO LA MWANAKWEREKWE ZANZIBAR

By: VIJIMAMBO on July 19, 2016 / comment : 0 , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Moto mkubwa ulioibuka katika soko kuu la Mwana Kwerekwe Zanzibar umeteketeza zaidi ya mabanda 100 ya vyakula na nguo na kusabisha hasara kubwa ya mamilioni ya fedha.

Moto huo umeweza kuteketeza mabanda hayo huku wamiliki wakishindwa kuudhibiti kutokana na upepo ambao baadhi ya wafanyabiashara hao wakiongea na ITV wamesema chanzo kikubwa cha moto huo ni jalala la taka likuwepo pembeni mwa soko hilo na vikundi vya mamantilie kudharau na kuchoma moto ndio uliosababisha kuteketezwa kwa mabanda hayo.

Wakati wafanyabiashara hao wakitoa sababu za jalala la taka kamishna msaidizi wa kikosi cha zimamoto Zanzibar Haji Gora amelaumu baadhi ya watu kuchoma moto maksudi na kusababisha hasara hizo ambazo ni za mamilioni ya fedha na kuwataka wafanyabiashara hao kuwa na utaratibu wa kujilinda wenyewe na sio kusubiri zimamoto wafike.

Huu ni moja ya moto mkubwa uliokumba Zanzibar ambapo hasara yake ni kubwa na ni athari kubwa kwa wafanyabiashara hao wadogo ambao tegemeo lao kubwa ni biashara hiyo ya vyakula na mitumba ambavyo karibu vyote vinatoka Tanzania Bara.

Chanzo: ITV
Subscribe to: Posts (Atom)

Copyright (c) 2024 Gadiola Emanuel All Right Reserved

0784 643 633

Template by AP | Developed by Gadiola Emanuel