PAMOJA BLOG: Rais Mstaafu

Mwinyi Atabani Rais Magufuli Awe Rais wa KUDUMU Milele wa Tanzania

By: VIJIMAMBO on June 27, 2017 / comment : 0 Ally Hassan Mwinyi, Habari, Rais Mstaafu

Rais Mstaafu Ali Hassan Mwinyi amesema kama si matakwa ya Katiba ya nchi, uongozi wa Rais John Magufuli ulipaswa kuendelea kuwapo miaka yote.

Alisema laiti ingelikuwa Katiba iliyopo haikufupisha muda wa uongozi wa rais, angeshauri Rais Dk Magufuli awe Rais wa Tanzania wa siku zote.

Alikuwa akizungumza katika Viwanja vya Mnazi Mmoja Dar es Salaam jana, alipokuwa akitoa salamu za Eid El Fitri.

Mzee Mwinyi alisema mambo anayoyafanya Rais Dk Magufuli ni mazuri na yanalipeleka Taifa mbele.

Hii ni mara ya pili kwa kiongozi huyo kutamka hadharani namna anavyokunwa na utawala wa sasa wa Rais Magufuli.

Mwinyi alisema Magufuli ameweza kufanya mambo mengi mazuri kwa kipindi kifupi kuliko yaliyowahi kufanywa na watangulizi wake akiwamo yeye (Mwinyi).

Katika kauli yake ya jana, Mzee Mwinyi alisema Rais Magufuli amefanikiwa kulipeleka Taifa mahali pazuri na amerejesha nidhamu katika maeneo mbalimbali ya kazi nchini.

“Nchi imetulia, leo mnakwenda madukani, hospitali, ofisini unapata huduma nzuri.

“Hayo ndiyo tuliyoyataka, kupata Serikali itakayokuwa na watumishi ambao watawatumikia watu na hivyo ndivyo inavyofanyika sasa kwa sababu tumempata kiongozi tuliyenaye leo (Rais Magufuli),” alisema na kuongeza:

“Huyu kiongozi ni wa kumuenzi sana, ni wa kumsaidia sana, ni wa kumsifu sana… si kumsifu kwa uongo, uongo, ni kumsifu kwa kazi nzuri anayoifanya si kwa manufaa yake bali kwa manufaa ya Watanzania wote pamoja na mimi niliyesimama hapa.

“Raia anataka nini tena baada ya haya? Analindwa, anashughulikiwa, anayoyataka raia ndiyo anayoyataka Rais wetu… lakini kwa kuwa tuna Katiba basi twende na Katiba yetu.

“Husia wangu kwenu Watanzania wote, tumtii na kumsaidia Rais wetu ili mambo yaende vizuri kama yalivyo sasa. Wazee wanasema hivi. ‘kidole kimoja hakivunji chawa’. Tumsaidie ili mambo yaende hivi kama yanavyokwenda”.

Akizungumzia alipokutana na Rais Dk. Magufuli Ikulu baada ya mwaka mmoja wa uongozi wake, alisema yako baadhi ya maeneo ambayo aliyafanya kwa mafanikio makubwa ikilinganishwa na wakati uliopita.

Aliyataja baadhi ya maeneo hayo kuwa ni mapambano dhidi ya rushwa akisema hatua zilizochukuliwa katika mwaka mmoja zimedhihirisha kasi kubwa ya kukabiliana na tatizo hilo ikilinganishwa na wakati uliopita.

“Rushwa ilikuwapo tangu enzi ya Hayati Mwalimu Nyerere … aliipondaponda kabisa lakini hakuimaliza, na sote tuliosalia ni hivyo hivyo, kila mmoja amefanya kwa kiasi chake, lakini Rais Magufuli kwa mwaka mmoja ameleta ‘surnami’, nafurahi sana,” alisema Alhaji Mwinyi.

Eneo jingine ni kuimarisha utendaji kazi Serikalini akisema hatua zilizochukuliwa na Serikali ya sasa zimeongeza kasi.

Aliwataka viongozi na wananchi kuunga mkono juhudi hizo.

“Tuliobaki tumsaidie, tumsaidie kwa kumuombea dua, tumsaidie kurekebisha kwa kusema ukweli pale ambako watu wanapotosha.

“Tusiwaache watu wakapata nafasi ya kuongea uongo, kila mtu anaweza kuwa anasema kutokana na nia yake na lengo lake, lakini hakuna asiyejua kuwa kazi aliyoifanya mwenzetu ni nzuri nzuri, nzuri ya ajabu,” alisisitiza.

WAZIRI MKUU KASSIM MAJALIWA AMTEMBELEA RAIS MSTAAFU MKAPA

By: VIJIMAMBO on May 21, 2017 / comment : 0 Benjamin Mkapa, Kassim Majaliwa, Matukio, Rais Mstaafu, waziri mkuu

Waziri Mkuu, Kassim Majaliwa akisalimiana na Rais Mstaafu, Benjamin Mkapa wakati alipomtembelea Rais huyo Mstaafu nyumbani kwake jijini Dar es salaam Mei 20, 2017. (Picha na Ofisi ya Waziri Mkuu)

Waziri Mkuu, Kassim Majaliwa akizungumza na Rais Mstaafu, Benjamin Mkapa wakati alipomtembelea Rais huyo Mstaafu nyumbani kwake jijini Dar es salaam Mei 20, 2017. (Picha na Ofisi ya Waziri Mkuu)

Dkt Kikwete: Zamu yangu kumuunga mkono mke wangu

By: VIJIMAMBO on April 04, 2017 / comment : 0 Habari, Jakaya Kikwete, MBUNGE, Rais Mstaafu

Rais Mstaafu wa awamu wa nne, Dkt Jakaya Mrisho Kikwete amesema ameshuhudia kiapo cha Mke wake, Mama Salma Kikwete baada ya kuteuliwa hivi karibuni kuwa mbunge wa bunge la Jamhuri ya Muungano wa Tanzania.

Rais huyo mstaafu alifuatana na baadhi ya familia yake na kushuhudia mkewe akila kiapo hicho katika bunge lililoanza leo mjini Dodoma huku akisema kuwa ni zamu yake sasa kumuunga mkono mkewe.

“Leo asubuhi nimeshuhudia kiapo cha Mke wangu Mhe. Salma Rashid Kikwete kuwa Mbunge wa Kuteuliwa Bungeni Dodoma.Ni zamu yangu kumuunga mkono,” ameandika Dkt Kikwete kupitia akaunti yake ya Twitter.

Dkt Kikwete aliingia ndani ya bunge akishangiliwa na idadi kubwa ya wabunge wa bunge hilo.

YALIYOJIRI LEO BUNGENI MJINI DODOMA BAADA YA VIKAO VYAKE KUANZA LEO

By: VIJIMAMBO on April 04, 2017 / comment : 0 bunge, Jakaya Kikwete, Matukio, MBUNGE, Rais Mstaafu, Spika wa Bunge

Rais Mstaafu wa Awamu ya Nne Mhe. Dkt Jakaya Mrisho Kikwete akiwasili katika Viwanja vya Bunge kwa ajili ya kushuhudia kiapo cha Mke wake Mama Salma Kiwete aliyeteuliwa hivi karibuni na Rais wa Jamhuri ya Muungano wa Tanzania kuwa Mbunge.

Mbunge wa kuteuliwa Mhe. Salma Kikwete akiwasili katika viwanja vya Bunge Mjini Dodoma kwa ajili ya kula kiapo na kuanza majukumu yake.

Rais Mstaafu wa awamu ya nne, Jakaya Mrisho Kikwete akishiriki kuimba wimbo wa taifa kabla ya kuanza kwa kikao cha bunge mjini Dodoma Aprili 4, 2017. Mheshimiwa Kikwete alikwenda bungeni kushuhudia kuapishwa kwa mkewe mama Salma .

Mbunge wa kuteuliwa Mhe. Salma Kikwete akisindikizwa na wabunge wanawake kwenda kula kiapo cha kutumikia kazi yake leo Bungeni Mjini Dodoma.

Spika wa bunge, Job Ndugai akimwapisha Mama Salma Kikwete kuwa mbunge, bungeni mjini Dodoma Aprili 4, 2017.

Mama Salma Kikwete akiapa kuwa mbunge, bungeni mjini Dodoma Aprili 4, 2017.

Waziri Mkuu, Kassim Majaliwa akimpongeza Mama Salma Kikwete baada ya kuapishwa kuwa mbunge, bungeni mjini Dodoma Aprili 4, 2017.

Spika wa Bunge la Jamhuri ya Muungano wa Tanzania Mhe. Job Ndugai akiongoza kikao cha kwanza cha Mkutano wa saba wa Bunge la 11 Mjini Dodoma.

Waziri wa Nchi Ofisi ya Rais Utumishi na Utawala Bora Mhe. Angella Kairuki akijibu hoja mbalimbali za wabunge katika kikao cha kwanza cha Mkutano wa saba wa Bunge la 11 Mjini Dodoma.

Waziri wa Afya Maendeleo ya Jamii Jinsi Wazee na Watoto Mhe. Ummy Mwalimu akijibu hoja mbalimbali za wabunge katika kikao cha kwanza cha Mkutano wa saba wa Bunge la 11 Mjini Dodoma.

Naibu Waziri Maliasili na Utalii Mhe. Ramo Makani akijibu hoja mbalimbaliz za wabunge katika kikao cha kwanza cha Mkutano wa saba wa Bunge la 11 Mjini Dodoma.

Mke wa Waziri Mkuu Mstaafu Mizengo Pinda Mama Tunu Pinda akisalimia wabunge mara baada ya kutambulishwa kati ya wageni wa Spika leo Bungeni Mjini Dodoma kushoto ni Mke wa Katibu Mkuu Wizara ya Habari Utamaduni Sanaa na Michezo Mama Devotha Gabriel.

Waziri wa Nchi Ofisi ya Waziri Mkuu Sera Bunge Kazi Ajira na Watu wenye Ulemevu Mhe. Jenista Mhagama akitengua kifungu cha Bunge kwa kuomba Bunge kuendesha shughuli zake siku ya Jumamosi na siku za kazi kuendelea kwa awamu ya pili saa kumi jioni badala ya saa kumi na moja jioni.

Rais Mstaafu wa Awamu ya Nne Mhe. Dkt Jakaya Mrisho Kikwete akifuatilia shughuli za Bunge leo Mjini Dodoma.

Picha zote na Raymond Mushumbusi WHUSM Dodoma.

JK AZINDUA RASMI TAASISI YA MAENDELEO YA JAKAYA MRISHO KIKWETE (JMKF)

By: VIJIMAMBO on March 14, 2017 / comment : 0 Jakaya Kikwete, Jamii, Rais Mstaafu

Rais mstaafu wa Awamu ya Nne, Jakaya Kikwete (kulia), akizungumza alipokuwa akizindua rasmi Bodi ya Wadhamini ya Taasisi ya Jakaya Mrisho Kikwete Foundation (JMKF) ikiwa ni sehemu pia ya uzinduzi wa taasisi hiyo kwenye Hotel ya Hyatt Kempinsk The Kilimanjaro Dar es Salaam. Kikwete ni Mwenyekiti wa Taasisi hiyo.PICHA ZOTE NA RICHARD MWAIKENDA

Mwenyekiti wa Taasisi hiyo, Jakaya Kikwete, alisema kuwa Taasisi hiyo pamoja na mambo mengine itajihusisha na masuala ya Maendeleo ya Binadamu nchini, Afrika na Duniani.

Na. Immaculate Makilika- MAELEZO

Rais Mstaafu wa Awamu ya Nne Mhe. Dkt. Jakaya Kikwete amesema kuwa anapenda kuendelea kufanya shughuli zinazosaidia kuleta maendeleo kwa watu na jamii.

Akizungumza na waandishi wa habari Jijini Dar es salaam, wakati alipokuwa akizindua Taasisi yake ya Jakaya Kikwete (Jakaya Mrisho Kikwete Foundation) alisema kuwa kwa muda mrefu amekua akipenda na kujihusisha na shughuli mbalimbali za maendeleo ya watu na hivyo Taasisi yake itamsaidia katika kufikia malengo yake.

“Nimetumia muda wangu kwa ajili ya maendeleo ya watu, baada ya shule, nilikitumikia Chama cha Mapinduzi(CCM), nilitumikia Jeshi na baadae Serikali, kwangu Taasisi hii imekuwa chombo kitakachonisaidia kuendeleza maono yangu na kutimiza ndoto zangu katika kuendelea kusaidia watu” alisema Dkt. Kikwete.

Akiizungumzia taasisi hiyo Kikwete alisema kuwa, Taasisi yake ina wajumbe 9 kutoka sehemu mbalimbali duniani wenye nyadhifa na heshima kubwa katika nchi zao.

Ameongeza kuwa Taasisi hiyo imejikita kusaidia jamii katika maeneo makubwa manne, maendeleo ya jamii hasa katika kujikita kuondoa umaskini, mabadiliko ya hali ya nchi na kilimo kwa wakulima wadogo.

Pia Taasisi hiyo imejikita katika huduma za afya, kutokomeza malaria na afya ya mama na mtoto.

Maeneo mengine ambayo Taasisi hiyo inajihusisha nayo ni ni elimu kwa vijana ili kukuza vipaji vyao na kuwapa mafunzo kuhusu uongozi bora, usawa wa kijinsia na namna ambavyo Serikali inavyotoa huduma kwa wananchi.

Aidha, alisisitiza kuwa Taasisi yake itaisaidia Serikali, mashirika na Taasisi mbalimbali ili kushirikiana kuwaletea maendeleo watanzania na watu mbalimbali duniani.

Dkt. Kikwete amewataja Wajumbe wa Bodi ya Udhamini ya Taasisi yake kuwa ni Balozi Ombeni Sefue aliyekuwa Katibu Mkuu Kiongozi, Profesa Rwekaza Mukandala Makamu Mkuu wa Chuo Kikuu Cha Dar es Salaam (UDSM), Profesa Willium Mahalu Mhadhiri Mwandamizi katika Chuo Kikuu cha Tabibu cha Bugando.

Wengine ni Balozi Mwanaidi Maajar aliyewahi kuwa Balozi wa Tanzania nchini Uingereza, Abubakar Bakhresa, Mkurugenzi Mtendaji wa Kundi la Makampuni ya Bakhresa, Genevieve Sangudi Mtaalamu wa Masuala ya kibishara ya Kimataifa kutoka Marekani.

Pia wapo Dato’ Sri Idris Jala, Waziri asiyekuwa na Wizara Maalumu nchini Malyasia, Balozi Charles R. Stith aliyekuwa Balozi wa zamani wa Marekani nchini Tanzania pamoja na Dkt. Carlos Lopes ambaye ni Mkurugenzi Mtendaji wa Taaisi ya Mafunzo na Utafiti ya Umoja wa Mataifa (UNITAR).

Taasisi ya Maendeleo ya Jakaya Kikwete ilisajiliwa tarehe 17, Februari 2017, na hii ni mara ya kwanza kwa wajumbe wa bodi ya wadhamini kukutana tangu kuanzishwa kwake.

Kikwete akizungumza na baadhi ya wajumbe wa Bodi ya Wadhamini wa Taasisi yake ya JMKF

Jakaya Kikwete akikumbatiana na Mjumbe wa Bodi ya Wadhamini wa Taasisi hiyo, Balozi wa zamani wa Marekani nchini Tanzania, Charles Stith

Mwenyekiti wa Taasisi ya JMKF, Jakaya Kikwete akisalimiana na mjumbe wa Bodi hiyo, Mfanyabiashara maarufu Mtanzania aishie Marekani, Genevieve Sangudi

Mwenyekiti wa Taasisi ya JMKF, Jakaya Kikwete akisalimiana na mjumbe wa Bodi hiyo ya Wadhamini , Dato' Sri Idris Jala, Waziri asiye na Wizara Maalumu Ofisi ya Waziri Mkuu wa Malaysia na Mtendaji Mkuu wa Mpango wa Matokeo Makubwa Sasa (Pamendu) nchini humo.

Mwenyekiti wa JMKF, Jakaya Kikwete akiwa katika picha ya pamoja na wajumbe wa Baraza la Taasisi hiyo.

Jakaya akijadiliana jambo na Balozi Charles Stith

Kikwete akizungumza wakati wa uzinduzi wa Taasisi hiyo.

Jakaya Kikwete akifafanua mambo mbalimbali kuhusu Taasisi hiyo

Dato' Sri Idris Jala kutoka Malaysia

Genevieve Sangudi kutoka Marekani

Mwanasheria Maarufu nchini, Balozi Mwanaidi Sinare Maajar. Alikuwa Balozi wa Tanzania nchini Uingereza 2006 na Marekani 2013

Daktari Bingwa wa Upasuasi, Profesa Wiliam Mahalu

Makamu Mkuu wa Chuo Kikuu cha Dar es Salaam, Profesa Rwekaza Mukandara

Mkurugenzi Mtendaji wa Kundi la Makampuni la SS Bakhresa, Abubakar Bakhresa

Balozi wa zamani wa Marekani nchini, Charles Stith

YALIYOJIRI KWENYE MKUTANO MKUU MAALUM WA CCM,ULIOFANYIKA LEO MJINI DODOMA

By: VIJIMAMBO on March 12, 2017 / comment : 0 CCM, Magufuli, Matukio, Rais, Rais Mstaafu

Baadhi ya Wajumbe wa mkutano mkuu Maalum wa CCM wakishangilia kwa shangwe huku wakiwa na mabango yao yakionesha mikoa wanayoiwakilisha.

Mwenyekiti wa CCM Taifa na Rais wa Jamhuri wa Tanzania, Dk. Joseph Magufuli akiwahutubia wajumbe wapatao 2356,ambapo walipaswa kuwa wajumbe 2380 mkutano Mkuu Maalum wa CCM ambao ulikuwa una lengo kuu la kufanya baadhi ya mabadiliko ndani ya Katiba,ambayo yamepitishwa kwa asilimia 100 na wajumbe hao waliohuhudria mkutano huo.

Katibu Mkuu wa CCM,Ndugu Abdulrahman Kinana akizungumza mambo mbalimbali mbele ya wajumbe waliohudhuria katika Mkutano Mkuu Maalum mjini Dodoma.

Baadhi ya Wajumbe wa Mkutano Mkuu Maalum wa CCM wakiburudika kwa shangwe na vifijo kutoka kikundi cha TOT Plus kabla ya kuanza mkutano huo ndani ya Ukumbi wa Kikwete mjini Dodoma.

Malkia wa mipasho Afrika Mashariki Khadija Kopa akitunbuiza pamoja na bendi ya TOT kwenye mkutano huo.

Baadhi ya Wajumbe wa mkutsno mkuu wa CCM wakishangilia kwa shangwe huku wakiwa na mabango yao yakionesha mikoa wanayoiwakilisha.

Malkia wa mipasho Afrika Mashariki Khadija Kopa akitunbuiza pamoja na bendi ya TOT

Sehemu ya baadhi ya wajumbe wa mkutano Mkuu Maalum wa CCM wakiwa tayari ukumbini wakisubiri kuanza kwa mkutano huo.

Sehemu ya baadhi ya wajumbe wa mkutano huo pamoja na wageni waalikwa

Mwenyekiti wa CCM Taifa na Rais wa Jamhuri wa Tanzania, Dk. Joseph Magufuli akisalimiana na Waziri Mkuu Mh. Kasim Majalia wakati akiwasili katika ukumbi wa mkutano mkuu wa CCM, Mjini Dodoma

Mwenyekiti wa CCM Taifa na Rais wa Jamhuri wa Tanzania, Dk. Joseph Magufuli akisalimiana na Rais Mstaafu wa awamu ya nne, Dk. Jakaya Kikwete wakati akiwasili katika ukumbi wa mkutano mkuu wa CCM, Mjini Dodoma

Wake za viongozi,pichani kulia ni Mama Janeth Magufuli pamoja na Mama Mwema Shein wakijadiliana jambo kabla ya Mkutano Mkuu Maalum kuanza mapema leo katika ukumbi wa Kikwete,mjini Dodoma.

Baadhi ya Wake za viongozi mbalimbali wakifuatilia mkutano huo

Mwenyekiti wa CCM Taifa na Rais wa Jamhuri wa Tanzania, Dk. Joseph Magufuli akiwa pamoja na viongozi wengine wastaafu wa Serikali na kichama walipowasili kwenye ukumbi wa mkutano na kukaribishwa na wajumbe.

Baadhi ya wajumbe wa Mkutano Mkuu kutoka mkoa wa Tanga wakifuatia yaliyokuwa yakijiri ukumbi humo.

Baadhi ya wajumbe wa Mkutano Mkuu Maalum wa CCM kutoka mkoa wa Lindi. Kulia ni Mbunge wa kuteuliwa Mama Salma Kikwete akiwa pamoja na Mbunge wa Mtama, Mh. Nape Nnauye wakifuatilia mkutano huo