HABARI

Theme images by kelvinjay. Powered by Blogger.

MATUKIO

MICHEZO

SIASA

Chuo Kikuu cha Dar es Salaam (UDSM) Chaipinga TCU

By: VIJIMAMBO on February 24, 2017 / comment : 0 , ,

Siku moja baada ya Tume ya Vyuo Vikuu Tanzania (TCU) kutangaza utata wa udahili wa wanafunzi wa vyuo vikuu, wadau wakubwa wa elimu, wamejitokeza kupinga hatua hiyo. Wadau hao ni pamoja na Chuo Kikuu cha Dar es Salaam (UDSM) .
UDSM kimeeleza kwamba hakuna mwanafunzi hata mmoja aliyedahiliwa chuoni hapo, ambaye hana sifa za kujiunga na chuo hicho.

Naibu Makamu Mkuu wa Chuo hicho, Profesa Florens Luoga alisema jana kuwa chuo hicho kimeweka utaratibu ambao unaweza mwanafunzi yeyote anayedahiliwa chuoni hapo, awe na sifa zinazohitajika kwa kuwa hawafanyi biashara.

“Sisi hapa ni wakali kuhusu jambo hilo, tukibaini kuwepo kwa mwanafunzi ambaye hana sifa tunamfukuza. Hatusubiri TCU iseme...hata tukibaini kuwa mtu alifanya udanganyifu na alishamaliza chuo, lakini hakuwa na sifa, tunamnyang’anya digrii tuliyompa,” alisema Profesa Luoga na kuongeza:

“Hiki ni chuo, hatufanyi biashara, sisi kazi yetu hapa ni kuandaa wataalamu na ndio maana tunakuwa wakali na makini kuhakikisha wanafunzi tunaowachukua, wote wanakuwa na sifa stahiki”, alisema

 Profesa Luoga alisema uhakiki ambao umefanywa na TCU na kutoa idadi ya wanafunzi 224 wanaosoma chuoni hapo, kuhakikisha wanawasilisha ushahidi wa nyaraka zao, wanaufanyia kazi, kwani kuna uwezekano tume hiyo haina taarifa kuhusu programu zinazoendeshwa na chuo hicho.

Alifafanua kuwa kuna baadhi ya programu maalumu, ambazo Serikali ya Tanzania imeingia na nchi nyingine kwa ajili ya kuendesha programu maalum.

Alisema kozi hizo zimekuwepo chuoni hapo kwa muda wa miaka 40 sasa na zinafanywa kutokana na makubalino ya Serikali ya Tanzania na nchi husika.

Alisema chuo hicho kikongwe Tanzania, kutokana na kuwepo makubaliano hayo kimekuwa kinapokea baadhi ya wanafunzi ambao wanatoka nje ya nchi na akasisitiza kuwa yawezekana ndio hao ambao TCU imeshindwa kupata nyaraka zao.

“Yawezekana kuna taarifa ambazo hazijakaa sawa, tumepokea taarifa ya TCU sisi kama chuo ni jukumu letu kuitekeleza,” alieleza Profesa Luoga.

TCU ijitathmini inapofanya uhakiki huu wa wanafunzi wa elimu ya juu

By: VIJIMAMBO on February 24, 2017 / comment : 0 , , , ,

Tume ya Vyuo Vikuu Tanzania (TCU) imeutangazia umma kwamba kazi ya uhakiki wa sifa za wanafunzi wanaoendelea na masomo kwenye vyuo vya elimu ya juu nchini kwa mwaka wa 2016/2017 imekamilika kwa baadhi ya vyuo na kubaini kuwa kuna wanafunzi waliodahiliwa katika programu ambazo hawana sifa.
Baada ya kuwabaini, imewasilisha orodha ya majina ya wanafunzi hao katika vyuo husika na kuwataka wanafunzi wanaoendelea na masomo kwenye vyuo vya elimu ya juu kutazama matokeo ya uhakiki wao kupitia kiunganisho (link) ilichokibainisha katika ripoti yake.
TCU imewataka wote ambao majina yao yatakuwa yameorodheshwa, wawasiliane na vyuo vyao ili kuthibitisha sifa zao kabla ya Februari 28, vinginevyo hawatatambuliwa na TCU hivyo kukosa sifa za uanafunzi.
Tumesikitishwa na mambo kadhaa kuhusu tangazo hilo. Mosi, uharaka wa kuthibitisha sifa hizo hasa ikizingatiwa kwamba tangu jana baada ya kusambaa kwa taarifa hizi, mtandao wa TCU wa www.tcu.go.tz umezidiwa hivyo huenda baadhi wakashindwa kufanya hivyo kutokana na tatizo la kiteknolojia.
Lakini pili, tumeshangazwa na hatua hii ya TCU kwa kuwa Julai mwaka jana, ilitangaza utaratibu mpya kwa watahiniwa wa mwaka mpya wa masomo wa 2016/2017 wanaochukua shahada, utaratibu ambao ulikuja miezi miwili tangu kuondolewa kwa watendaji waandamizi Tume hiyo kutokana na kudahili wanafunzi wasio na sifa na kusababisha kupewa mikopo na Bodi ya Mikopo ya Wanafunzi wa Elimu ya Juu (HESLB).
Utaratibu huo mpya uliainisha sifa na vigezo vipya vya wanafunzi wanaopaswa kudahiliwa katika vyuo, lakini tangazo hili limewagusa nao pia.
Tunadhani kwamba suala hili lilipaswa kufanywa kwa utaratibu ambao hautakuwa na usumbufu kwa wanafunzi hawa hasa wale wa mwaka wa kwanza ambao walipita katika chujio la Tume hiyo na wazazi pamoja na HESLB kuingia gharama kubwa.
Lakini pia utaratibu huu unaondoa utulivu wa wanafunzi kwa kuwa wanakuwa katika hali ya wasiwasi wa kuondolewa vyuoni hasa wakati huu wanapojiandaa na mitihani ya kumaliza mwaka, hivyo kuwepo na uwezekano mkubwa wa kuathirika kimasomo.
TCU inapokwenda mbele na kurudi nyuma, inayumbisha pia mipango ya wanafunzi na wazazi kimaisha.
Tunaishauri TCU kufanya kazi yake kwa weledi, umakini na uhakika ili kuepuka kutumia fedha chache zilizopo kufanya kazi moja mara mbili na kuvuruga mipango ya wengi.
Hawa vijana wanahitaji kutulia na kupanga mambo yao na hivyo TCU inapokuwa makini inawasaidia kuwa na uhakika na mipango hiyo na kutumia vyema rasilimali chache walizonazo kutengeneza maisha ya baadaye.

SERIKALI YATANGAZA UHAKIKI WA WANAFUNZI WOTE WALIOKO VYUO VIKUU AMBAO WANASOMA SHAHADA

By: VIJIMAMBO on October 19, 2016 / comment : 0 , , , , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Wizara ya Elimu, Sayansi na Teknolojia inawatangazia Viongozi wa vyuo vyote vinavyotoa shahada nchini vya umma na vya binafsi kuwa kutakuwa na uhakiki wa ubora wa vyuo hivyo.   

Uhakiki huo utaanza siku ya Jumatano Oktoba 19, 2016, hivyo, vyuo vyote vinatakiwa kutoa ushirikiano kwa timu za wataalamu zitakazofika kwa ajili ya kufanya uhakiki huo.

Aidha, katika ukaguzi wa sifa za wanafunzi wanaoendelea na masomo vyuo vyote, Tume ya Vyuo Vikuu nchini (TCU), itatoa majina ya wanafunzi wanaotambuliwa na kwamba walidahiliwa kupitia TCU katika Programu zao za Shahada katika vyuo mbalimbali vinavyotoa shahada nchini siku ya Jumanne Oktoba 18, 2016.

Hivyo, wanafunzi wote wanatakiwa kuangalia majina yao katika Tovuti ya TCU na kwa yeyote ambaye hataona jina lake awasiliane na Uongozi wa TCU haraka iwezekanavyo ili kupata maelezo Zaidi. Mwanafunzi ambaye hatazingatia haya ndani ya wiki mbili atapoteza sifa za kuendelea na masomo.

Imetolewa na:

Katibu Mkuu
Wizara ya Elimu, Sayansi na Teknolojia

TCU yaongeza muda wa udahili wa wanafunzi vyuo vikuu

By: VIJIMAMBO on October 13, 2016 / comment : 0 , , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Tume ya vyuo vikuu nchini TCU, imesema kumekuwa na ushindani mkubwa kwa baadhi ya nafasi ambazo zimeombwa na wanafunzi ambao wanataka kujiunga na vyuo vikuu nchini hali inayofanya zoezi la udahili huo kuongezewa muda.

Akizungumza na mwandishi wa TBC ofisini kwake, kaimu katibu mtendaji, Profesa Eliuther Mwageni, amesema zoezi la udahili wa wanafunzi kwa mwaka 2016/2017 limeongezewa muda kwa awamu ya tatu hadi Jumapili, Oktoba mwezi huu.
“Katika kuomba watu wengine walikuwa hawaangalii kwa mfano kuna course ambazo zinataka huyu mwanafunzi awe amefaulu hesabu kwa mfano, kweli mnaweza mkalingana lakini kama haukufaulu hesabu hiyo utakuwa umechagua course ambayo haikuhusu. Kuna course nyingine zinataka hata mwanafunzi afaulu hesabu alipo kuwa form four kwahiyo wewe unaweza ukaangalia matokeo ya sasa alipokuwa form six lakini mahitaji ya ile course yanahitaji matokeo yaliyo yalivyokuwa form four,”alisema Mwageni.
Aidha Prof Mwageni alizungumzia kuongezwa kwa zoezi hilo amesema imetokana na wanafunzi wengi kuomba course ambazo tayari zimekwisha jaa.
“Programu ambazo zilipata watu wengi waombaji wengi, ni pamoja na udaktari na sheria watu wengi waliziomba hizo,lakini nafasi katika maeneo haya sio nyingi kama idadi ya waombaji na wengine kwa namna moja ama nyingine walikosea namna ya kujaza. Kwa mfano kuna watu ambao walikuwa hawana sifa za hizo course lakini waliomba, kwahiyo hao tukawapa fursa ya pili,ambayo tuliimaliza mwisho wa mwezi Septemba. Lakini bado kukatokea na kundi lingine la watu, kuna watu ambao wapo 6000, ambao wamemaliza kidato cha sita, ambao bado vile vile walikuwa wamefanya makosa yale yale, walikuwa bado wanatafuta zile course ambazo tayari zina ushindani mkubwa. Sasa tukasema tusiwanyime nafasi kwasababu wana sifa ya kusoma chuo kikuu,” aliongeza.
Hadi sasa waombaji wa kujiunga na nafasi ya vyuo vikuu ambao wamesajiliwa na TCU ni zaidi ya wanafunzi elfu 58.
Kwa upande wake mkurugenzi msaidizi wa habari,elimu na mawasiliano,Cosmas Mwaisoba kutoka bodi ya mikopo nchini amekiri kuchelewa kwa mikopo kwa wanafunzi.
“Ni kweli tofauti na miaka mingine, taarifa za wale ambao wananufaika na mikopo zimechelewa kidogo. Zimechelewa kidogo kwasababu wiki hii na wiki ijayo ndiyo vyuo vingi vitakuwa vinafungua programu ya orientation. Hii imechangiwa kutokamilika kwa taratibu fulani fulani. Unajua zoezi la utaoji wa mkopo linahusisha upatikanaji wa taarifa kutoka kwa wadau mbalimbali kwa mfano taarifa za udahili,” alifafanua Mwaisoba.

SELECTION ZA VYUO VIKUU KWA WANAFUNZI WALIOOMBA KUJIUNGA NA VYUO MBALIMBALI MWAKA HUU ZIMETOKA

By: VIJIMAMBO on September 13, 2016 / comment : 0 , , , , , , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Selection za TCU kwa walioomba kujiunga na vyuo mbalimbali kwa mwaka wa masomo 2016/2017  zimetoka.


Bofya hapa  kuangalia   Selection Status 



NB:  Tumia index number yako na password

TCU YATANGAZA KUANZA UDAHILI AWAMU YA PILI KWA WANAFUNZI WANAOJIUNGA VYUO VIKUU AMBAO WAMEKOSA NAFASI KWENYE AWAMU YA KWANZA

By: VIJIMAMBO on September 03, 2016 / comment : 0 , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.
Tunapenda kuutangazia Umma kuwa tulifunga mfumo wa pamoja wa udahili tarehe 31/08/2016 saa sita usiku ili kuchakata maombi ya waombaji waliofanikiwa kuomba udahili kwa mwaka wa masomo 2016/2017.
 

Hata hivyo kutokana na wengine kushindwa kufanikiwa kutokana na sababu mbali mbali, Tume inatangaza kuwa itafungua maombi kwa awamu ya pili kuanzia tarehe 12 hadi 23 Septemba 2016 ili kuruhusu makundi yafuatayo kuomba udahili.

  1. Waombaji watakaokuwa wamekosa nafasi kwenye awamu ya kwanza
  2. Waombaji wa kidato cha Sita walioshindwa kuomba katika awamu ya kwanza
  3. Waombaji wenye vigezo vya Stashahada ambao walishindwa kuomba kutokana na matokeo yao kuchelewa kufika NACTE kwa wakati,
  4. Waombaji ambao wamemaliza mitihani ya “Cambridge” mwaka 2016 na matokeo yao yameshatoka,
  5. Waombaji waliofaulu mitihani ya RPL,
  6. Waliokuwa wanafunzi wa vyuo vikuu watakao kuwa na uthibitisho toka vyuo vyao vya awali.
 

Baada ya hapo Tume haitaruhusu tena maombi ili kuruhusu taratibu zingine za kiudahili kuendelea kwa ngazi ya Bodi ya Mikopo na vyuoni.
 

Asanteni


Imetolewa na 
Prof. Eleuther Mwageni
 Kaimu Katibu Mtendaji
Tume ya Vyuo Vikuu Tanzania 
02 Septemba 2016

TCU YAKANUSHA TAARIFA ZA KUVIFUNGIA UDAHILI WA KOZI TOFAUTI VYUO 22 ZILIZOZAGAA JUZI

By: VIJIMAMBO on July 26, 2016 / comment : 0 , ,

Tume ya Vyuo Vikuu Tanzania (TCU) imewatoa hofu wanafunzi waliohitimu katika vyuo vilivyozuiwa hivi karibuni kufanya udahili, huku ikikanusha taarifa za kuzifungia udahili wa kozi tofauti vyuo 22 zilizozagaa juzi.

Hivi karibuni TCU ilitangaza kusimamisha kufanya udahili  vyuo vitano baadhi vikiwamo Chuo Kikuu cha Dodoma (UDOM), Chuo Kikuu cha Mtakatifu Francis cha Ifakara Morogoro, Chuo cha Mtakatifu Joseph cha Dar es Salaam na Chuo cha IMTU cha Dar es Salaam vyote kwa kozi ya udaktari.

Akizungumza na mwandishi wa habari hizi jana, Kaimu Katibu Mtendaji wa TCU, Eliuther Mwageni alisema kufungiwa kwa vyuo hivyo ni kwa muda mpaka vitakapokabidhi vigezo vinavyotakiwa.


"Kuna vigezo vinavyotakiwa kufikiwa ili chuo kiweze kusajiliwa  na hivi vyuo hatujavifungia ila tumevisimamisha kwa muda mpaka vikidhi vigezo vyetu.
Kuhusu taarifa za vyuo 22 kusimamishwa kudahili wanafunzi katika kozi mbalimbali zilizozagaa kwenye mitandao juzi na jana, Mwageni alisema taarifa hizo ni za uzushi, zina lengo baya hivyo hazina ukweli wowote.



TAARIFA KWA UMMA KUHUSU KUFUNGULIWA KWA MFUMO WA UDAHILI WA PAMOJA (CAS) UNAORATIBIWA NA NACTE NA KUTANGAZWA KWA MAJINA YA WAOMBAJI UDAHILI WALIOCHAGULIWA KUJIUNGA NA KOZI ZA CHETI NA DIPLOMA

By: VIJIMAMBO on July 23, 2016 / comment : 0 , , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Baraza linapenda kutoa taarifa kuwa Mfumo wa Udahili wa Pamoja (CAS) umefunguliwa tena kuanzia tarehe 22 Julai 2016 ili kujaza nafasi za udahili zilizo wazi baada ya Baraza kuchagua waombaji udahili waliowasilisha maombi yao kuanzia tarehe 4 Machi 2016 hadi tarehe 3 Juni 2016. 
Mwisho wa kuwasilisha maombi ni  tarehe 5 Agosti 2016 saa sita usiku.

Waombaji wapya na baadhi ya waombaji walioshindwa kukamilisha maombi yao kupitia mtandao ilipofika tarehe 3 Juni 2016, wanaarifiwa kuanza kuwasilisha maombi ya udahili kupitia Mfumo wa Udahili wa Pamoja (CAS) ili kujaza nafasi zilizo wazi. Waombaji wanahimizwa kutumia muda huu wa nyongeza ili kuwasilisha maombi.


Baraza linapenda pia kuwaarifu waombaji udahili na umma kwa ujumla kuwa vikao vya Kamati za kuidhinisha majina ya waombaji udahili kupitia Mfumo wa Udahili wa Pamoja (CAS) vilipitisha orodha ya majina  ya wenye sifa za udahili kulingana na nafasi za udahili kwa kila kozi zitolewazo na vyuo husika kati ya tarehe 18 Julai 2016 na 21 Julai 2016. 
Majina ya waombaji waliochaguliwa kwa kila kozi itolewayo na chuo husika yamekabidhiwa vyuoni kupitia Mfumo wa Udahili wa Pamoja (CAS). 

Waombaji waliochaguliwa nao wamearifiwa kupitia kurasa (profile) zao binafsi au kwa KUBOFYA HAPA. Waombaji ambao hawakuchaguliwa wamejulishwa sababu zilizowafanya wasichaguliwe kupitia kurasa (profile) zao pia. 


Kwa waombaji wa Shahada ya Kwanza waliowasilisha maombi yao kupitia NACTE, Baraza linapenda kuwaarifu kuwa, mashauriano kati ya NACTE na Tume ya Vyuo Vikuu Tanzania (TCU) yanaendelea kufanyika ili kufanikisha udahili wa waombaji wa kozi za Shahada ya Kwanza kama Serikali ilivyoagiza.


Imetolewa na

Ofisi ya Katibu Mtendaji

NACTE

Tarehe: 22 Julai, 2016

Subscribe to: Posts (Atom)

Copyright (c) 2024 Gadiola Emanuel All Right Reserved

0784 643 633

Template by AP | Developed by Gadiola Emanuel