HABARI

Theme images by kelvinjay. Powered by Blogger.

MATUKIO

MICHEZO

SIASA

KAMISHNA JENERALI WA MAMLAKA YA MAPATO (TRA) ATEMBELEA MAKAO MAKUU YA JESHI LA ZIMAMOTO NA UOKOAJI

By: VIJIMAMBO on April 06, 2017 / comment : 0 , ,

 Kamishna Jenerali wa Jeshi la Zimamoto na Uokoaji Thobias Andengenye (kushoto) akimkaribisha Kamishna Mkuu wa Mamlaka ya Mapato Tanzania (TRA) Bw. Charles Kichere kulia alipotembelea Makao Makuu ya Jeshi hilo yaliyopo Mnazi Mmoja mapema leo asubuhi.
 Kamishna Mkuu wa Mamlaka ya Mapato Tanzania Bw. Charles Kichere (kulia) akiweka sahihi katika kitabu cha wageni alipotembelea Makao Makuu ya Jeshi la Zimamoto na Uokoaji yaliopo mnazi mmoja katika ziara zake baada ya kuapishwa na Mhe. Rais Dkt. John Pombe Magufuli hapo jana.
 Baadhi ya Maafisa Waandamizi wa Jeshi la Zimamoto na Uokoji kutoka kulia ni Naibu Kamishna Billy Mwakatage, Kaimu Kamishana Usalama dhidi ya moto Fikiri Salla, Mhasibu Mkuu Chakala, Kaimu Kamishna wa Operesheni Christom Manyologa na Kamishana Msaidizi Hamadi Muhando wakimfuatilia kwa karibu Kamishna Mkuu wa Mamlaka ya Mapato Tanzania Bw. Charles Kichere hayupo pichani, alipofanya ziara katika Jeshi hilo mapema leo asubuhi tarehe 06/04/2017
 Kamishna Jenerali wa Jeshi la Zimamoto na Uokoaji Thobias Andengenye (kushoto) akimfuatilia kwa karibu huku akiandika, Kamishana MKuu wa Mamlaka ya Mapato Tanzania Bw. Charles Kichere, Kamishna huyo aliambatana na Mkurugenzi wa Huduma na Elimu kwa Mlipa Kodi Bw. Richard Kayombo (kulia) alipofanya ziara Makao Makuu ya Jeshi hilo mapema leo Asubuhi.
 Kamishna Jenerali wa Jeshi la Zimamoto na Uokoaji Thobias Andengenye (kushoto) akimpatia zawadi ya Kalamu ya Jeshi yenye namba ya dharura 114, Kamishna Mkuu wa Mamlaka ya Mapato Tanzania Bw. Charles Kichere (kulia) mapema leo asubuhi alipofanya ziara Makao Makuu ya Jeshi hilo mapema leo asubuhi.
Kamishna Jenerali wa Jeshi la Zimamoto na Uokoaji Thobias Andengenye (kushoto) akimsindikiza Kamishana MKuu wa Mamlaka ya Mapato Tanzania Bw. Charles Kichere (kulia) akiondoka Makao Makuu ya Jeshi hilo alipofanya ziara Mapema leo Asubuhi.
(Picha Na Konstebo Joyceana Benson)

MBOWE ANG’ANG’ANIWA TENA MAHAKAMANI

By: VIJIMAMBO on March 02, 2017 / comment : 0 , , , ,

Mamlaka ya Mapato Tanzania (TRA) iliyodai kuwa imeshindwa kuwapata kwa kutumia hati za wito za Mahakama, Freeman Mbowe, mkewe Dk Lilian Mtei na aliyekuwa Meneja wa Klabu ya Bilicanas, Steven Mligo kujibu mashtaka yanayowakabili, jana ilisaidiwa namna ya kuwafikia watu hao.
Mahakama ya Wilaya ya Ilala, ilitoa barua ya wito wa kuwataka wahudhurie mahakamani Machi 21, baada ya kufikia uamuzi wa kutoa wito huo kupitia magazeti.
Mbowe ambaye ni Mbunge wa Hai na Kiongozi wa Kambi ya Upinzani Bungeni na mkewe, Dk Mtei ni wakurugenzi wa Kampuni ya Mbowe Hotels Ltd.
Wawili hao pamoja na Mligo, Katika kesi hiyo namba 402 ya mwaka 2016, wanakabiliwa na mashtaka matatu ya kushindwa kutumia mashine za kielektroniki (EFD) kutoa risiti kinyume na kifungu cha 86 cha Sheria ya Usimamizi wa Kodi ya mwaka 2015.
Mashtaka mengine ni kuipotosha mamlaka kwa kutoa nyaraka za uongo kinyume na kifungu cha 84 na kushindwa kutekeleza masharti ya Sheria ya Usimamizi wa Kodi kinyume na kifungu cha 82 cha sheria hiyo. Wanadaiwa kutenda makosa hayo Mei, 2016 jijini Dar es Salaam.
Imedaiwa kuwa tangu kesi hiyo ilipofunguliwa mwishoni mwa mwaka jana, imeshatajwa mara nne bila washtakiwa kufika mahakamani.
Wakili wa TRA, Marcel Busegano aliieleza Mahakama kuwa wamejaribu kuwapelekea washtakiwa hati za wito wa kufika mahakamani mara nne lakini wameshindwa kuwapata.
Alidai Meneja wa TRA Mkoa wa Ilala alijaribu kumpigia simu ya mkononi Mbowe lakini hakumpata na, hata walipokwenda katika Hospitali ya Taifa Muhimbili (MNH) anakofanya kazi mkewe, Dk Mtei pia hawakumpata.
Kutokana na hali hiyo, TRA iliiomba Mahakama iamuru watumie tangazo gazetini kuwaita washtakiwa mahakamani na iwapo korti itakubali ombi hilo, tangazo litolewe kabla ya tarehe nyingine ya kutajwa kwa kesi hiyo.
Shauri hilo linalosikilizwa na Hakimu Mkazi Mfawidhi, Ritha Tarimo litatajwa Machi 21.
Kutokanana na ombi hilo, tangazo hilo linapaswa kutangazwa gazetini kabla ya tarehe hiyo.


Chanzo: Mwananchi

RAIS DKT MAGUFULI ATEMBELEA BANDARI YA DAR ES SALAAM LEO

By: VIJIMAMBO on September 26, 2016 / comment : 0 , , , , , , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


 Rais wa Jamhuri ya Muungano wa Tanzania Dkt John Pombe Magufuli akitembelea bandari ya Dar es salaam leo Septemba 26, 2016 akiwa ameongozana na Waziri wa Ujenzi, Uchukuzi na Mawasiliano Profesa Makame Mbarawa, Katibu Mkuu Uchukuzi i Dkt Leonard Chamriho na uongozi wa Bandari
 Rais wa Jamhuri ya Muungano wa Tanzania Dkt John Pombe Magufuli akitembelea bandari ya Dar es salaam leo Septemba 26, 2016 akiwa ameongozana na Waziri wa Ujenzi, Uchukuzi na Mawasiliano Profesa Makame Mbarawa, Katibu Mkuu Uchukuzi i Dkt Leonard Chamriho na uongozi wa Bandari
 Rais wa Jamhuri ya Muungano wa Tanzania Dkt John Pombe Magufuli akitembelea bandari ya Dar es salaam leo Septemba 26, 2016 akiwa ameongozana na Waziri wa Ujenzi, Uchukuzi na Mawasiliano Profesa Makame Mbarawa, Katibu Mkuu Uchukuzi  Dkt Leonard Chamriho na uongozi wa Bandari.
 Rais wa Jamhuri ya Muungano wa Tanzania Dkt John Pombe Magufuli akipungia wafanyakazi waliokuwa wakimshangilia wakati akitembelea bandari ya Dar es salaam leo Septemba 26, 2016 akiwa ameongozana na Waziri wa Ujenzi, Uchukuzi na Mawasiliano Profesa Makame Mbarawa, Katibu Mkuu Uchukuzi  Dkt Leonard Chamriho na uongozi wa Bandari
 Rais wa Jamhuri ya Muungano wa Tanzania Dkt John Pombe Magufuli akitembelea bandari ya Dar es salaam leo Septemba 26, 2016 akiwa ameongozana na Waziri wa Ujenzi, Uchukuzi na Mawasiliano Profesa Makame Mbarawa, Katibu Mkuu Uchukuzi i Dkt Leonard Chamriho na uongozi wa Bandari
 Rais wa Jamhuri ya Muungano wa Tanzania Dkt John Pombe Magufuli akitembelea bandari ya Dar es salaam leo Septemba 26, 2016 akiwa ameongozana na Waziri wa Ujenzi, Uchukuzi na Mawasiliano Profesa Makame Mbarawa, Katibu Mkuu Uchukuzi i Dkt Leonard Chamriho na uongozi wa Bandari

 Rais wa Jamhuri ya Muungano wa Tanzania Dkt John Pombe Magufuli akipata maelezo kutoka kwa  Meneja wa Kitengo cha Kontena wa  Kampuni ya Ushushaji Shehena ya makasha  Bandarini ya Tanzania International Container Terminal (TICTS)  Bw. Donald Talawa  alipotembelea bandari ya Dar es salaam leo Septemba 26, 2016 
Rais wa Jamhuri ya Muungano wa Tanzania Dkt John Pombe Magufuli akitoa maelekezo kwa  Meneja wa Kitengo cha Kontena wa  Kampuni ya Ushushaji Shehena ya makasha  Bandarini ya Tanzania International Container Terminal (TICTS)  Bw. Donald Talawa  alipotembelea bandari ya Dar es salaam leo Septemba 26, 2016 
Rais wa Jamhuri ya Muungano wa Tanzania Dkt John Pombe Magufuli akitoa mapendekezo  kwa  Kampuni ya Ushushaji Shehena ya makasha  Bandarini ya Tanzania International Container Terminal (TICTS)

 Rais wa Jamhuri ya Muungano wa Tanzania Dkt John Pombe Magufuli akipata maelezo kutoka kwa  Meneja wa Kitengo cha Kontena wa  Kampuni ya Ushushaji Shehena ya makasha  Bandarini ya Tanzania International Container Terminal (TICTS)  Bw. Donald Talawa  alipotembelea bandari ya Dar es salaam leo Septemba 26, 2016 
 Rais wa Jamhuri ya Muungano wa Tanzania Dkt John Pombe Magufuli akipata maelezo kutoka kwa Mhandisi Mary Mhayaya kuhusu  uthibiti wa kiwango cha mafuta yanayoingia nchini  kutoka kwenye meli (Oil Flow Meter) katika bandari ya Dar es salaam leo Septemba 26, 2016 

 Rais wa Jamhuri ya Muungano wa Tanzania Dkt John Pombe Magufuli akipata maelezo kutoka kwa Waziri wa Ujenzi, Uchukuzi na Mawasiliano Profesa Makame Mbarawa kuhusu zoezi la  uthibiti wa kiwango cha mafuta yanayoingia nchini  kutoka kwenye meli (Oil Flow Meter) katika bandari ya Dar es salaam leo Septemba 26, 2016 
 Rais wa Jamhuri ya Muungano wa Tanzania Dkt John Pombe Magufuli akipata maelezo kutoka kwa Waziri wa Ujenzi, Uchukuzi na Mawasiliano Profesa Makame Mbarawa kuhusu zoezi la  uthibiti wa kiwango cha mafuta yanayoingia nchini  kutoka kwenye meli (Oil Flow Meter) katika bandari ya Dar es salaam leo Septemba 26, 2016 

 Rais wa Jamhuri ya Muungano wa Tanzania Dkt John Pombe Magufuli akikagua sehemu ya kupimia kiwango cha mafuta yanayoingia nchini  kutoka kwenye meli (Flow Meter) katika bandari ya Dar es salaam leo Septemba 26, 2016 
 Rais wa Jamhuri ya Muungano wa Tanzania Dkt John Pombe Magufuli akikagua sehemu ya kupimia kiwango cha mafuta yanayoingia nchini  kutoka kwenye meli (Flow Meter) katika bandari ya Dar es salaam leo Septemba 26, 2016 

 Rais wa Jamhuri ya Muungano wa Tanzania Dkt John Pombe Magufuli akitoa maelekezo  kuangalia sehemu ya kupimia kiwango cha mafuta yanayoingia nchini  kutoka kwenye meli (Flow Meter) katika bandari ya Dar es salaam leo Septemba 26, 2016 
 Rais wa Jamhuri ya Muungano wa Tanzania Dkt John Pombe Magufuli akiongozwa na Mhandisi Mary Mhayaya kuhusu akikagua mtambo wa  uthibiti wa kiwango cha mafuta yanayoingia nchini  kutoka kwenye meli (Oil Flow Meter) katika bandari ya Dar es salaam leo Septemba 26, 2016 

 Rais wa Jamhuri ya Muungano wa Tanzania Dkt John Pombe Magufuli akipata maelezo kutoka kwa Mhandisi Mary Mhayaya kuhusu  chumba cha mitambo ya  uthibiti wa kiwango cha mafuta yanayoingia nchini  kutoka kwenye meli (Oil Flow Meter) katika bandari ya Dar es salaam leo Septemba 26, 2016 

 Rais wa Jamhuri ya Muungano wa Tanzania Dkt John Pombe Magufuli akipata maelezo ya chumba cha ukaguzi wa mizigo (scanner) inayoingia nchini  katika bandari ya Dar es salaam leo Septemba 26, 2016 
 Rais wa Jamhuri ya Muungano wa Tanzania Dkt John Pombe Magufuli akipata maelezo ya chumba cha ukaguzi wa mizigo (scanner) inayoingia nchini  katika bandari ya Dar es salaam leo Septemba 26, 2016 
 Wafanyakazi wa bandari ya Dar es salaam wakimlaki kwa furaha  Rais wa Jamhuri ya Muungano wa Tanzania Dkt John Pombe Magufuli alipofika kuongea nao baada ya kutembelea bandari ya Dar es salaam leo Septemba 26, 2016 

 Mwenyekiti wa Wafanyakazi wa Bandarini Bw.  Mashaka Karume akieleza baadhi ya changamoto wanazokabiliana nazo mbele ya Rais wa Jamhuri ya Muungano wa Tanzania Dkt John Pombe Magufuli alipotembelea bandari ya Dar es salaam leo Septemba 26, 2016
 Rais wa Jamhuri ya Muungano wa Tanzania Dkt John Pombe Magufuli akiongea na wafanyakazi wa bandari baada ya kutembelea bandari ya Dar es salaam leo Septemba 26, 2016
 Rais wa Jamhuri ya Muungano wa Tanzania Dkt John Pombe Magufuli akiongea na wafanyakazi wa bandari baada ya kutembelea bandari ya Dar es salaam leo Septemba 26, 2016
 Rais wa Jamhuri ya Muungano wa Tanzania Dkt John Pombe Magufuli akiongea na wafanyakazi wa bandari baada ya kutembelea bandari ya Dar es salaam leo Septemba 26, 2016
  Rais wa Jamhuri ya Muungano wa Tanzania Dkt John Pombe Magufuli akiongea na wafanyakazi wa bandari baada ya kutembelea bandari ya Dar es salaam leo Septemba 26, 2016 
  Rais wa Jamhuri ya Muungano wa Tanzania Dkt John Pombe Magufuli akiongea na wafanyakazi wa bandari baada ya kutembelea bandari ya Dar es salaam leo Septemba 26, 2016 
 Rais wa Jamhuri ya Muungano wa Tanzania Dkt John Pombe Magufuli akiongea na wafanyakazi wa bandari baada ya kutembelea bandari ya Dar es salaam leo Septemba 26, 2016 
 Wafanyakazi wa bandari ya Dar es salaam wakimsikiliza   Rais wa Jamhuri ya Muungano wa Tanzania Dkt John Pombe Magufuli alipofika kuongea nao baada ya kutembelea bandari ya Dar es salaam leo Septemba 26, 2016 
 Rais wa Jamhuri ya Muungano wa Tanzania Dkt John Pombe Magufuli akiaga baada ya kuongea na wafanyakazi wa bandari baada ya kutembelea bandari ya Dar es salaam leo Septemba 26, 2016
 Rais wa Jamhuri ya Muungano wa Tanzania Dkt John Pombe Magufuli akiwaaga  wafanyakazi wa bandari baada ya kutembelea bandari ya Dar es salaam leo Septemba 26, 2016
Rais wa Jamhuri ya Muungano wa Tanzania Dkt John Pombe Magufuli akiwapungia mkono kuwaaga  na wafanyakazi wa bandari baada ya kutembelea bandari ya Dar es salaam leo Septemba 26, 2016

KAMPUNI YA BENCHMARK PRODUCTIONS YA MADAM RITA YAFUNGIWA, INADAIWA TSH BILIONI 7

By: VIJIMAMBO on September 23, 2016 / comment : 0 , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Mamlaka ya Mapato Tanzania (TRA), kwa kushirikiana na Kampuni ya Udalali ya Yono, wameifungia Kampuni ya Benchmark Productions na kuipa muda wa siku 14, iwe imelipa deni la kodi ya Sh bilioni 7.04, vinginevyo mali za kampuni hiyo zitauzwa kwa mnada.

Akizungumza jana jijini Dar es Salaam Meneja Msaidizi wa Madeni wa TRA, Mkoa wa Kinondoni wa Kodi, Sylver Rutagwelera alisema wamefikia hatua hiyo baada ya kuidai kampuni hiyo inayomilikiwa na Rita Paulsen kwa muda mrefu bila kulipa.
TRA, wakiwa na Kampuni ya Udalali ya Yono, walifika eneo la Mikocheni jijini hapo jana asubuhi ziliko ofisi za kampuni hiyo na kuwaeleza wahusika kuhusu deni hilo, na kuwataka waoneshe risiti za malipo iwapo wameshaanza kulipa deni hilo, jambo ambalo wahusika hao hawakuwa nazo.
Hata hivyo Meneja Operesheni wa Kampuni hiyo aliyejulikana kwa jina moja la Evelyn alifika ofisini hapo na kuwaambia maofisa hao kuwa walishaanza mawasiliano jinsi ya kulipa deni hilo. “Zipo barua tulizokuwa tumeanza kufanya mawasiliano na TRA, kuhusu deni hili, lakini pamoja na hayo, deni lenyewe ni kubwa kuliko uwezo wa kampuni,” alisema Evelyn.

Hata hivyo Rutagwelera alisema mmiliki wa kampuni hiyo anadaiwa kodi tangu mwaka 2009 na alikuwa akitumia jina lingine kwenye kampuni hiyo na baada ya muda aliifunga na kufungua hiyo ya Benchmark ili hali deni la nyuma hajalipa.
“Mdaiwa huyo alikuwa ana kampuni aliyoipa jina lingine na tulimkumbusha kulipa kodi ya serikali tangu mwaka 2009 ila hakutekeleza na badala yake aliamua kuifunga kampuni na kufungua hii, akidhani deni limefutika”, alisema Rutagwelera.
Alisema baada ya kuona muda unasonga na deni linazidi kuongezeka bila mdaiwa kuonesha juhudi za kulipa waliamua kukabidhi mdaiwa huyo kwa Kampuni ya Yono kwa ajili ya kufuatilia deni hilo.
Kwa upande wake Mkurugenzi wa Kampuni ya Yono, Scholastika Kevela alisema wameifungia kampuni hiyo na kuanzia sasa walinzi wa Yono watalinda na baada ya muda wa siku 14, waliopewa kulipa deni hilo ukipita, watachukua hatua nyingine kisheria ya kuuza mali za kampuni hiyo kwa mnada.
Alisema deni hilo ni kubwa kwa sababu ni muda mrefu umepita kodi ya serikali haijalipwa na kuwashauri Watanzania kuacha tabia ya kulimbikiza kodi kwa sababu deni litakuwa kubwa ila likilipwa kwa wakati linaondoa usumbufu usio wa lazima.
“Yono tumepewa kazi ya kukusanya madeni ya serikali na tutaendelea kuwakamata wale wote tunaopewa kuwafuatilia lengo sio kuwaumiza ni kuhakikisha kodi ya serikali inakombolewa kwa manufaa ya nchi yetu, kwa maana tunamuunga mkono Rais John Magufuli kuhakikisha taifa letu linaendelea kwa kukusanya mapato stahiki”, alisema Kevela.
Kevela alisema kazi ya kuendelea kukusanya madeni kwa wadaiwa wengine wa serikali inaendelea na sasa wako kwenye hatua mbalimbali za ukusanyaji ikiwa ni pamoja na kuendesha mnada wa mali za wadaiwa mbalimbali ili kupata fedha za serikali.

Source: Habari Leo

UTATA WAIBUKA MDORORO WA MIZIGO BANDARINI

By: VIJIMAMBO on September 05, 2016 / comment : 0 , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


NI kauli tata; ndivyo unavyoweza kusema. Hatua ya kupungua kwa mizigo imeliamsha Bunge huku Kamati ya sekta ya Viwanda, Biashara na Mazingira ikitangaza uamuzi wa kuwakutanisha wadau kujadili mdororo huo wa mizigo katika Bandari ya Dar es Salaam.
Kamati hiyo imetangaza kukutana na wadau na Serikali kujadili namna ya kuiwezesha bandari hiyo kurejesha mizigo ambayo kwa sasa inaonekana kupungua kutokana na sababu mbalimbali.
Juzi, kamati hiyo ilikutana na wadau na uongozi wa Mamlaka ya Bandari (TPA) na Mamlaka ya Mapato Tanzania (TRA) ambako ilibainika mkanganyiko wa taarifa kutoka kwa kila upande.
Akizungumzia hali hiyo, Mwenyekiti wa kamati hiyo, Dk. Dalali Kafumu alisema kuna umuhimu wa kukutanishwa pande hizo kutokana na mkanganyiko huo.
“Nafikiria ni vizuri tukaenda kwenye mazungumzo tuweze kurekebisha, tuweze kuambiana ukweli na tupate majibu, sisi tutaitisha mkutano wa pamoja haraka.
“…nchi iko katika hali ambayo si ya kawaida, wakati mwingine kuna mambo mengi sana tunamdanganya Rais kwa hiyo tutaitisha mkutano,” alisema Dk. Kafumu.
Alisema kwa mujibu wa wadau hao, kuna mambo ambayo yamechangia mizigo kupungua ikiwamo mizigo inayoenda nje ya nchi kutozwa tozo la Ongezeko la Thamani (VAT), mfumo wa himaya moja ya ushuru wa forodha (Single Custom Territory) na kutokuwa na uhusiano mzuri.
Mkurugenzi Mkuu wa Mamlaka ya Bandari Tanzania TPA, Deusdedit Kakoko, alikiri kupungua mizigo katika bandari hiyo huku akielezea mambo mbalimbali yanayochangia mdororo huo wa mizigo.
Alisema miongoni mwa sababu hizo ni kudorora kwa uchumi wa China, kushuka bei ya mafuta, gesi na shaba, hali iliyosababisha kupungua shehena inayohudumiwa katika bandari nyingi duniani, zikiwamo za Afrika.
“Hofu ya wateja inayotokana na kuanzishwa sheria ya VAT kwenye huduma zinazotolewa kwenye mizigo ya nchi jirani ambayo haitozwi kodi katika nchi zenye bandari shindani,” alisema Kakoko.
Alisema jambo jingine ni hofu ya wateja kuhusu utaratibu wa himaya moja ya ushuru wa forodha na kwamba mzigo unaohudumiwa kwenye mfumo huo unatozwa kodi kwa asilimia 100.
Kakoko alisema jambo hilo huwafanya baadhi ya wafanyabiashara kuona kupitisha mizigo yao nchini ni gharama kubwa.
Naye Kamishna wa Forodha na Ushuru wa Bidhaa wa TRA, Jocktan Kyamuhanga alisema baadhi ya watu wamekuwa wakijichanganya kwa sababu mizigo inayosafirishwa kwenda nje ya nchi haitozwi kodi.
“Ninataka kusema hapa hakuna mzigo unaoenda nje ya nchi unaotozwa kodi, ila huduma ya kupakua mzigo, kuhifadhi na nyingine ndizo zinazolipwa lakini hakuna kodi inayotozwa kwa mzigo unaoenda nje,” alisema. Kyamuganga
Awali, wakizungumza kwenye mkutano wa wadau, baadhi ya wadau hao walisema mizigo imepungua katika bandari hiyo kutokana sababu kubwa tatu.
Walitaja sababu hizo kuwa ni VAT, mfumo wa himaya moja ya ushuru wa forodha na kukosekana ushirikiano kati ya wao na viongozi wa mamlaka husika.
Rais wa Chama cha Mawakala wa Forodha (TAFFA), Stephen Ngatunga, alisema asilimia 42 ya mizigo iliyokuwa ikienda nje ya nchi imepungua katika bandari hiyo na hivyo kusababisha madhara kwa serikali kukosa mapato, baadhi ya watu kukosa kazi na bandari kavu kukosa mizigo.
Msemaji wa Chama Usafirishaji Mizigo Tanzania (Tatoa), Elias Lukumay, alisema upo ushahidi wa kupungua mizigo bandari sababu ikiwa ni pamoja na suala la VAT.
“Sisi tunao ushahidi kwa suala la VAT kuwa limeongeza kwenye balance sheet yao Dola milioni 6 mpaka 7 kwamba kila tani moja inawagharimu dola 35 kwa hiyo wakizidisha kwa oda walizonazo (waagizaji) kwa mwaka huu.
“Hali hii imewafanya wachague kutumia bandari nyingine. Kwa mfano Kampuni ya Impala kwa mwaka jana kipindi kama hiki kwa mwezi ilikuwa inaagiza tani 40,000 lakini mwa mwaka huu kipindi kama hiki imeleta tani 1000 tu,” alisema Lukumay.
Hali ya mizigo
Ripoti ya bandari inaonyesha shehena yote imeongezeka kwa asilimia 9.1 kutoka tani milioni 11.029 mwaka 2011/12 hadi tani milioni 14.007 mwaka 2015/16
“Shehena ya makasha iliongezeka kwa wastani wa asilimia 4.4 kwa mwaka. Makasha yaliyohudumiwa na TICTS yaliongezeka kutoa makasha TEUS 353,471 mwaka 2011/12 hadi makasha TEUS 496,431 sawa na ongezeko la wastani wa asilimia 8.8 kwa mwaka,” ilieleza taarifa hiyo.
Suala la usalama mdogo wa mizigo inayosafirishwa kwenda nchi za jirani nalo linaelezwa limelazimisha wenye mizigo kuingia gharama ya kuweka walinzi wa kusindikiza mizigo yao.
“Kukosekana kwa uaminifu kwa baadhi ya Wakala wa Forodha wanaowatapeli wafanyabiashara. Muda mfupi (Short grace period for transit bulk liquid) kwa mzigo wa mafuta wa nchi za jirani kuwa siku 30, tofauti na bandari za nchi shindani ambazo huwa ni siku 60 hadi 90,”.
Uhalisia wa mapato
Taarifa hiyo ya bandari ilieleza kwamba katika kipindi cha mwaka 2011/12 hadi mwaka 2015/16 makusanyo ya mapato katika bandari ya Dar es Salaam yaliongezeka kwa wastani wa asilimia 16.85 kwa mwaka.
“Katika kipindi cha mwaka 2015/16 bandari ya Dar es Salaam ilikusanya Sh milioni 694,383 zaidi kwa asilimia 2.2 ikilinganishwa na Sh milioni 679,331 ya mwaka 2014/15,” ilisema taarifa hiyo.

Barua ya wazi kwa Mheshimiwa Rais Magufuli kuhusu TPA na TRA

By: VIJIMAMBO on September 05, 2016 / comment : 0 , , , ,

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


MHESHIMIWA RAIS WANGU KIPENZI 
Rais wangu Magufuli, Pole na Kazi, Baada ya harakati za kutumbua majipu, changamoto ya uhaba wa sukari, wafanyakazi hewa kuna hili lingine linazidi kushamiri katika vichwa vya watanzania.


Nalo ni kupungua kwa mizigo Bandarini kunakopelekea kupungua kwa mapato. Hivi sasa kila mtu anajua kuwa Mizigo imepungua bandirini Mpaka tusio wataalam wa maswala ya bandari sasa tumeukariri wimbo huu. Mwanzoni wakuu wa bandari walizani ni hali ya mpito tu wakawa wanakanusha kuwa mizigo ipo ya kutosha . Sasa naona wameshtuka, wameona hali imezidi kuwa mbaya.



Mpaka mizigo ya nchi rafiki yetu kipenzi Rwanda imepungua kwa 47%. Mheshimiwa Rais, Pale Bandarini shida haikuwa kutokulipa Kodi na tozo. Shida ilikuwa Kodi tunazolipa haziendi serikalini. Ndio mana umesikia mfanyakazi wa TRA na Bandari alikuwa anahitaji kufanya kazi wiki Tatu tu kujenga ghorofa. Na Ndio mana ukasikia mfanyakazi mwingine anamiliki nyumba zaidi ya 100.



Shida sio kuongeza Kodi, shida Kodi hazikuwa zinafika serikalini. Ndio mana maafisa wako walikuwa wanaweza kupokea milioni 50 na kutoa risiti ya milioni 20. Nakushauri badili mfumo wa Kodi. Ijulikane wazi kwamba bidhaa fulani iliyonunuliwa kwa gharama fulani Kodi yake ni shilingi fulani. Tofauti na Sasa, Leo hakuna fomula ya Kodi, anakuja bwana Kodi anafungua kontena Kisha anakadiria yeye Kodi, na anachosema yeye ndio hugeuka kuwa sheria



Ndio mana kunakuwa na udanganyifu mwingi. Tunawaonea bure wajasiriamali kuwapandishia Kodi kwa kuongeza VAT kila kukicha. Shida ni maafisa wako. Waambie wapeleke Kodi serikalini. Ondoa utaratibu wa kukadiriwa na watu ambao unachochea rushwa na kupoteza mapato, weka mfumo wa moja kwa moja kuwe na bei elekezi. Weka Kodi ndogo na ya wastani ili uipate nyingi kwa wakati mfupi. Kuliko kuweka Kodi kubwa ambayo utaipata kidogo kwa wakati mrefu.



Ona sasa hata magari yenye plates number za majina yamepungua kusajiriwa na hayaonekani mtaani zaidi ya yale yaliyosajiriwa mwaka wa fedha uliopita. Hii ni Baada ya kupandisha kufikia milioni 10 kutoka 5. Ningekuwa mimi Ndio napanga hili ningeshusha Mpaka milioni 2 au 3 badala ya kupandisha.



Huo ni mfano tu Vinginevyo hizi kelele zitaongezeka kila siku kila leo. Ona Sasa kamati ya Bunge ya Bajeti inalalamika Mbunge Martha mlata wa CCM analalamika Mbunge Dalali kafumu wa CCM na mwenyekiti wa kamati ya viwanda na Biashara analalamika Marry Mwanjelwa wa CCM analalamika.



Hawa Ndio waliopitisha kwa vigeregere na shangwe kubwa Bajeti na kanuni mpya hizi bungeni lakini Sasa wamegundua kwamba walipotoshwa. Mheshimiwa Mkuu wa Kaya, Hili ni Taifa letu sote, hatupambani hatukomeshani, Tunashauriana. Tunashauriana namna bora ya kwenda kufikia nchi ya viwanda tunayoiota sote.



Mkuu, Taifa linaendelea kwa kujaribu, kutenda, na kukosea, wazungu wanaita try and errors. Tumelijaribu Hili la TPA na TRA naona tumekosea, tusilaumiane, tusitafute mchawi Mkuu. Tubadili Gia tusonge mbele. Taifa letu ni Hili Hili na hakuna wa kubadilishana nalo. Ndimi.



Habib Mchange

 Mwanachi. 
 0762178678
Subscribe to: Posts (Atom)

Copyright (c) 2024 Gadiola Emanuel All Right Reserved

0784 643 633

Template by AP | Developed by Gadiola Emanuel