MKANGANYIKO WATOKEA KATI YA DUWASA NA CDA NI BAADA YA DUWASA KUINGIZWA MKENGE NA CDA

Na John Banda, Dodoma

MAMLAKA ya maji safi na maji taka mjini Dodoma [DUWASA]  wameitaka mamlaka ya ustawishaji makao makuu CDA kuwa makini katika utendaji wake wa kazi ili kuepuka hasara zisizo za lazima huku wakiwasababishia wananchi kuishi kwa taharuki kutokana na kukumbushwa wapendwa wao waliokufa miaka mingi iliyopita.

Hayo yalisemwa na Msimamizi wa uunganishaji maji Abdalla Gwanguzo wakati wananchi wa Ilazo walipokuwa wakichimba kaburi na kurudishia masalia ya marehemu yaliyochimbuliwa na mafundi wa DUWASA walipokuwa wakichimba Mitaro wa kupitishia bomba kwenda kwa mteja wao.

Gwanguzo alisema wao DUWASA hawana kosa lolote kuhusu uhalibifu huo wa kaburi la watu isipokuwa CDA ndiyo waliokosea kuwapa watu maeneo hayo ili wajenge na huku wakijua watahitaji na huduma kama hizi za maji na hata umeme bila kuwauliza wenyeji waliowahi kuishi maeneo haya ili waseme kama kuna vitu hivi., mafundi wasingeweza kujua bila kuelekezwa.

‘’DUWASA tumetoa kiasi cha Tsh. 271,000 na kuwanununlia sanda, mfuko wa nailoni na gharama za kuhifadhi mabaki Marehemu Chaguna iliyofikia kiasi cha laki tatu 300,000 kuhusu garama za kuhamisha kaburi ni jukumu la CDA”, alisema

Kwa upande wake mjukuu wa Marehemu hao waliozikwa maeneo hayo  Emilia Joshua 56 aliwataja kuwa ni Babu na Bibi zake  Chihuna na Nhondolwa Mgazwa waliozikwa zaidi ya miaka 50 iliyopita katika  eneo hilo la ilazo zamani lilijulikana kwa jina la Sanguti alisema alihama eneo hilo miaka ya 1972 na kuhamia kijiji jirani cha nzuguni.

Joshua alisema alipata taarifa kutoka kwa wapita njia waliokuwawakipita njia katika eneo hilo kwamba waliona kaburi moja limechimbuliwa ndipo alipofika na kukuta hali hiyo akaenda kutoa taarifa kwa mwenyekiti wa mtaa.

‘’Ni vizuri wakiwa wanatuambia mapema  kama wanataka kufanya chochote ili tuwe tunatoa maelekezo  maana eneo hili lilikuwa la kutambika kwanini wanatuonea sijui kwasababu ya unyonge wetu au umasikini ndiyo maana wanawapa matajili maeneo yetu kwa ubabe basi watuhamishie tujue moja kuliko kudhalilisha mifupa ya ndugu zetu,’’ alisema mjukuu huyo

Mwenyekiti wa Mtaa huo Denis Mwaluko Chimalusotola alisema alipata taarifa hiyo na kuwasiriana na afsa afya wa kata na ndipo hatua zingine zikafuata na kufikia hatua hiyo na kuishauri CDA kuhakikisha wanawafanyia wananchi vizuri kwani hayo ni maeneo yao ya asili hivyo ni vizuri  wawajulishe mapema kuhusu wanachotaka kufanya.

Kaimu Mkurugenzi wa Mamraka ya ustawishiji makao makuu [CDA] Ibrahim Ngwada alipotakiwa kutoa ufafanuzi kuhusiana na mkakanganyiko huo alisema wanautaratibu wa kutoa fidia na kuhamisha masalia ya marehemu waliokuwa wamezikwa maaneo yaliyopitiwa na mradi mpya kama huo wa kupitisha mitaro ya maji na kuyapeleka eneo lililotengwa kwa ajili ya makaburi.

‘’Mamraka haiwezi kujua kwamba mahali gani palikuwa na nini kutokana na maeneo yenyewe kutokuwa na alama za kuonyesha kama kulikuwa na makaburi, hivyo ni jukumu la wananchi wenyewe kuorodhesha na kutuonyesha maeneo yenye makaburi ili tuwape fidia na kuyahamisha kabla ya ujenzi wowote kuanza’’, aliseama

Mwishoni mwa mwaka uliopita Tukio kama hilo lilijitokeza katikamradi wa Njedengwa ambapo kampuni ya uchimbaji ili kutandikamabomba ya maji safi na maji taka ambapo Kaimu Mkurugenzi wa   Mamlaka ya ustawishaji makoa makuu [CDA] Pascus  Mulagiri aliwahi kusimamisha kazi ya uchimbaji isiendelee mpaka watakapolipa fidia na kuhamisha makaburi yaliyokuwepo Eneo la Mradi.

HABARI KWA HISANI YA JOHN BANDA