MOURINHO ATIMKA REAL MADRID KWA KISHINDO BILA JEMBE LAKE, RONALDO

 

Jose Mourinho akiwa kocha wa Real Madrid kwa mara ya mwisho usiku huu katika dimba lake santiago Benabeu

 

Waandishi wa habari wakimpiga picha za mwisho kocha Jose Mourinho akiwa kocha wa real Madrid kwa mara ya mwisho

Mourinho amesalimiwa kwa mgawanyiko uwanjani, kuna waliomshangilia na walioonesha kutofurahishwa na tabia za kocha huyo klabuni hapo, duniani huwezi kupendwa na watu wote.

Mashabiki wa  Real Madrid wakipeperusha bendera ya Mourinho kuonesha heshima kwake na kukubali kazi yake klabuni hapo.

 Mashabiki wa Real Madrid wakishika makaratasi yenye ujumbe wa shukurani kwa kocha Jose Mourinho anayeondoka klabuni hapo

Mourinho akiwaaga mashabiki wa Real Madrid baada ya kipenga cha mwisho kupulizwa

 

Mourinho akiwapungia mikono mashabiki na wapenzi wa Real Madrid alipomaliza mechi ya mwisho

 
Ronaldo aliachwa katika kikosi cha leo kutokana na majeruhi

Ronaldo  aliingia uwanjani na kuwasalimia mashabiki wa klabu yake

Bao la kuongoza: Gonzalo Higuain akipongezwa baada ya kutia gozi kimiani

 Wanafamilia wamekutana: Michael Essien aliyefanya kazi na Mourinho akiwa Chelsea, aliifungia Real Madrid bao la pili katika mchezo wa leo usiku.

Na Baraka Mpenja kwa msaada wa Sportsmail.com

Mourinho “byee byee’” Real Madrid!, amemaliza kazi, sasa njia nyeupe kurudi zake kuelekea darajani nchini England kurithi mikoba ya kocha wa muda wa chelsea Rafa Benitez.

Ushindi wa mabao 4-2 dhidi ya Osasuna ambao klabu ya Real Madrid imepata katika mechi ya kufunga pazia la Ligi kuu nchini Hispania usiku huu, umemfanya kocha wa klabu hiyo Mreno Jose Mourinho aage kwa furaha baada ya kuruhusiwa kuondoka klabuni hapo na kutajwa kurejea katika klabu yake ya zamani ya Chelsea ya nchini Uingereza.

Mabao ya Real Madrid yametiwa kimiani na wachezaji Gonzalo Higuain dakika ya 35 kipindi cha kwanza, Mickael Esien katika dakika ya 38, Karim Benzema dakika ya 69 na Jose Maria Callejon.

Kipute hicho cha mwisho kwa Mourinho akiwa kocha wa Real kimepigwa katika dimba la Nyumbani Santiago Bernabeu na kushuhudiwa na mashabiki lukuki wa miamba hiyo ya soka barani ulaya.

Katika mchezo wa leo nyota kadhaa wa Real Madrid hawajatia madaluga yao uwanjani akiwemo mchezo nyota Mreno Cristiano Dos Santos Aveiro Ronaldo anayesumbuliwa na majeruhi.

Nyota huyo anawindwa na klabu yake ya zamani ya Manchester United pamoja na wazee wa darajani Chelsea.

Umekuwa historia nzuri kwa Mourinho ambaye ameandika katika mtandao wa klabu hiyo akiaga kwa ushindi mnono dhidi ya Osasuna baada ya kukaa miaka mitatu nchini Hispania akinoa makali ya Real Madrid.

Baada ya kumalizika kwa mechi, Mourinho ambaye amekubali kurejea Chelsea msimu ujao wa ligi kuu nchini England aliwapungia mkono mashabiki wa klabu yake akiwapa mkono wa kwaheri.

Akizungumza na wanahabari Mourinho amekaririwa akisema “Natamani kuwaona mashabiki wa Real Madrid wakiwa na furaha wakati wote. Nawashukuru sana mashabiki wa sapoti yao, naheshimu walivyokuwa wananikosoa. Narudia tena nawatakiwa mashabiki furaha zaidi na afya njema kwao”.