UPDATES: ASKOFU GWAJIMA AFIKISHWA MAHAKAMA YA HAKIMU MKAZI KISUTU JIJINI DAR ES SALAAM

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.

Askofu wa kanisa la Ufufuo na Uzima Josephat Gwajima ameendelea kulitikisa jeshi la polisi kufuatia ishu yake ya kumtolea maneno makali Askofu Mkuu wa jimbo Katoliki Dar es salaam Polycarp Kardinali Pengo.

Leo asubuhi Jeshi la polisi lilizingira nyumba yake kwa nia ya kumtaka kujisalimisha lakini mwenyewe alijifungia ndani na kukaidi agizo hilo, Waumini wa Kanisa la Ufufuo na uzima walipofika hawakuwa tayari kuongea na mtu yoyote hapo nje zaidi yao kuonekana kuonyeshana ishara maalum huku wakijaribu kufuatilia mienendo ya Polisi hao ambao walifika na magari zaidi ya matatu, huku magari hayo matatu ikiwemo Suzuki, Land cruiser namba T337AK na Pick up aina ya Ford namba PT 288, yaliyoonekana hapo ambapo walikuwa wakifanya mawasiliano yao.

Mvutano uliopo ni kuhusu kuwasilisha nyaraka za vitu anavyomiliki, lakini amegoma kwenda kuhojiwa mpaka wapate barua kutoka Makao Makuu ya Jeshi la Polisi ili kuwasilisha nyaraka hizo. Lakini habari zilizotufikia zinaeleza mchungaji huyo tayari amefikishwa mahakama ya Kisutu akiwa chini ya ulinzi mkali wa Polisi. Endelea kutufuatilia kwa taarifa zaidi