MTU MMOJA ANASHIKILIWA NA JESHI LA POLISI MKOA WA DODOMA KWA KUSABABISHA AJALI NA KIFO.

 Kamanda wa Polisi Mkoa wa Dodoma Kamishna Msaidizi Mwandamizi wa Polisi DAVID MISIME - SACP

Na. Sylvester Onesmo wa Jeshi la Polisi Dodoma.

Mtu mmoja aliyefahamika kwa jina la Jackson s/o Venance, umri miaka 33, kabila Mhaya, mfanyakazi wa NSSF Bukoba aliyekuwa akitembea kwa miguu pembeni mwa barabara ya Nyerere maeneo ya TRA Dodoma katika Manispaa na Mkoa wa Dodoma amefariki dunia alipokuwa akitibiwa katika Hospitali ya Mkoa wa Dodoma baada ya kugongwa na gari lenye namba za usajili T.399 CWG aina ya NISSAN iliyokuwa ikiendeshwa na Dotto d/o Onesmo, umri miaka 25, kabila msukuma, mwanafunzi wa Chuo cha Mipango Dodoma.

Kamanda wa Polisi Mkoa wa Dodoma Kamishna Msaidizi Mwandamizi wa Polisi David Misime – SACP amesema kabla ya kifo chake, Marehemu alifika Dodoma kwa ajijli ya kuchukua cheti chake katika Chuo cha Biashara Dodoma (CBE). 

ENDELEA KUSOMA HABARI HII KWA KUBOFYA HAPA CHINI

Kamanda Misime amesema uchunguzi wa awali unaonyesha kuwa chanzo cha ajiali hiyo ni uzembe wa dereva wa gari kutokuwa mwangalifu. Uchunguzi zaidi wa ajali hiyo unaendelea na dereva atafikishwa mahakamani muda wowote kuanzia jumatatu mara baada ya taratibu kukamilika.

Aidaha Kamanda Misime ametoa wito kwa madereva wa Magari na Pikipiki (Bodaboda) kuwa wawe na udereva wenye tahadhari ambao utaweza kupunguza ajali zisizo za lazima. Pia amewataka madereva hao wakumbuke kuwa wanapoendesha maeneo ya makazi na mikusanyiko ya watu wazingatie mwendo wao usizidi na uwe chini ya speed 50 zilizotamkwa kisheria.

Alisisitiza kuwa atakaye kiuka maelekezo hayo ya kisheria atachukuliwa hatua kali za kisheria.