TUZO ZA KILI KUTOLEWA KESHO

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.

 Meneja wa bia ya Kilimanjaro, Bi. Pamela Kikuli akifafanua jambo mbele ya waandishi wa habari (hawapo pichani) kuhusu mashindano ya kili music awards yatakayofanyika leo kwenye ukumbi wa Mlimani City jijini Dar.

Waandishi wa habari wakiendelea kufuatilia tukio

WASHINDI wa Kilimanjaro Music Awards 2015 (KTMA) wanatarajiwa kuanikwa kesho ndani ya Ukumbi wa Mlimani City jijini Dar.

Akizungumza na waandishi wa habari leo, Meneja wa bia ya Kilimanjaro, Pamela Kikuli amesema kuwa washindi waliopatikana katika Promosheni za Bia ya Kilimanjaro zilizofanyika nchini kote wameanza kuwasili jijini Dar es Salaam asubuhi ya leo kushuhudia Tuzo za Kilimanjaro Tanzania Music Awards.

“Hafla ya kukabidhi tuzo hizi inategemewa kufanyika katika Ukumbi wa Mlimani City jijini Dar es Salaam kesho Jumamosi na jumla ya washindi 22 wanatarajiwa kuwasili leo kutoka mikoa mbalimbali ya Tanzania ambapo washindi hawa wataungana na washindi wengine wanne wa hapa Dar es Salaam,” alisema Kikuli.

Bi. Pamela aliongeza kuwa washindi hao waliochaguliwa kwa njia ya kuponi baada wanywaji kununua bia ya Kilimanjaro kwenye Bar zilizokuwa na Promosheni watalipiwa gharama zote za usafiri, malazi na chakula kwa kipindi cha siku zote tatu watakazo kuwa hapa jijini.

“ Washindi watakaokuja ni kutoka katika mikoa ya Morogoro, Iringa, Dodoma, Tanga, Mtwara, Mbeya, Kilimanjaro, Arusha, Mwanza, Kahama, Musoma na Dar es Salaam.”

 Habari na Denis Mtima