SHULE 10 ZAFUNGWA KYELA KUTOKANA NA MVUA

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.

Mkuu wa Wilaya ya Kyela, Mbeya, Dk Thea Ntara amesema bado hali ni tete kwa wananchi wa Kata 10 zilizokumbwa na mafuriko ya mvua zinazoendelea kunyesha na ameamuru shule tatu za sekondari na saba za msingi zifungwe kwa muda usiojulikana baada ya vyumba vya madarasa kujaa maji na miundombinu yake kutishia usalama.

Akizungumza na gazeti hili jana, Dk Ntara alisema hali iliyopo si shwari na inaleta hofu ya wananchi wa kata za Makwale, Kajunjumele, Ndogo, Ipinda,Lusungo, Bujonde, Katumba Songwe, Mwaya na Ikama kutokana na kukosa mahali pa kuishi na Serikali imechukua jukumu la kuwahifadhi kwenye makanisa na katika kambi mbili tofauti zilizopo tarafa ya Unyakyusa na Ntebela na wengine wakichukuliwa na ndugu zao ambao hawajafikwa na maafa hayo.