EFTA YAFADHILI WAKULIMA WATANO KUJIFUNZA KILIMO BORA NCHINI UTURUKI

EFTA yafadhili wakulima Watano Kutembelea Uturuki Kujifunza Kilimo: Safari ya Kubadilishana Maarifa na Ubunifu wa Kilimo.

Washindi wa Nunua Trekta Ushinde Safari YaUturuki wakiwa katika Uwanja wa ndege wa Istanibul mara baada ya kuwasili nchini Uturukitayari wa ziara ya Mafunzo ya Kilimo.

Picha za matukio mbalimbali wakati wa ziara hiyo.

Na Magesa Magesa

Katika juhudi za kuhakikisha wakulima nchini wanapata maarifa na mafunzo zaidi ya mbinu bora za kilimo.

Kampuni ya EFTA inayojishughulisha na utoaji wa mikopo ya mashine za aina mbalimbali kwa wakulima bila dhamana imefadhili wakulima watano kutoka maeneo mbalimbali nchini kutembelea nchini Uturuki kwa lengo la kujifunza zaidi mbinu bora za kilimo ambazo wakulima wa Uturuki wamekuwa wakizitumia katika kujihakikishia kilimo chenye tija.

Akizungumza kuhusu ziara hiyo Mkurugenzi Mtendaji wa EFTA Bwana Nicomed Bohay, amesema ziara hiyo nimatokeo ya promosheni ya “Nunua Trekta Ushinde Safari ya Uturuki" iliyozinduliwa mwezi machi, 2023 ikiwa na lengo la kuwahamasisha wakulima nchini kujitokeza kwa wingi na kukopa Matrekta aina ya New Holland TT75 4WD ambayo kampuni ya EFTA iliyanunua kutoka kwa kampuni ya CNH Industrial ya nchini Uturuki ambao ndio watengenezaji wa Trekta za New Holland Pamoja na zana zingine za kilimo za chapa New Holland.

Akifafanua zaidi kuhusu kampeni hiyo, Bohay, amebainisha kuwa Lengo kuu la kampeni hiyo lilikuwa ni kuhakikisha upatikanaji wa matrekta ya New Holland TT75 4WD yanapatikana kwa urahisi nchini pindi wakulima wanapoyahitaji.

“Miaka ya nyuma ilimuhitaji mkulima kusubiri siku sitini hadi tisini kupata Trekta analohitaji ili lisafilishwe kutoka uturuki mpaka limfikie, na hii kwa kweli ilikuwa changamoto kubwa sana kwa wakulima wetu na hasa ukizingatia wao hutegemea misimu ya mvua kufanya shughuli za kilimo” alisema Bohay

Kwa kuuona ukubwa wa changamoto hiyo kampuni yetu iliamua kununua Trekta zaidi ya 200 aina ya New Holland TT75 4WD na kuzileta hapa nchini ili pindi wakulima wanapokuwa wanazihitaji basi waweze kuzipata ndani ya muda mfupi. Aliongeza Bohay

Bohay amesema kuchochea mwitiko wa wakulima kununua au kukopa Trekta hizo kwa wingi ambazo zilikuwa zikipatikana kwa urahisi nchini ndio maana walikuja na wazo la Promosheni hiyo ambayo Pamoja na malengo yake ya msingi ililenga kuwawezesha wakulima watakaoibuka washindi kujipatia nafasi ya kutembelea Kiwanda cha Matrekta cha New Holland nchini Uturuki Pamoja na kujifunza teknolojia mbalimbali ambazo wakulima wa Uturuki huzitumia kujipatia mazao mengi zaidi.

Katika kipindi cha siku nne za ziara , wakulima hawa walitembelea kiwanda cha utengenezaji wa Matrekta cha New Holland nchini Uturuki, ambapo waliona mchakato wa kutengeneza matrekta ambayo kwa sehemu kubwa hutumiwa na wakulima wa Tanzania. Ziara hii iliwapa uelewa wa kina kuhusu teknolojia na uhandisi unaohusika katika kuunda Matrekta hayo Pamoja na mashine zingine.

Ziara hiyo pia ilihusisha warsha na semina, ambapo wakulima walijifunza ubunifu mbalimbali katika kilimo endelevu, kilimo hai, na matumizi ya zana za kidijitali katika kilimo cha kisasa.

Kwa upande wake kiongozi wa msafara huo, Bw. Clerius Asiel, Mkuu wa Idara ya Mauzo na Masoko wa EFTA, amesema safari hiyo imekuwa ni fursa muhimu sana kwa wakulima alioambatana nao kujifunza zaidi mbinu bora za kilimo

“Wakulima hawa tayari wanatumia mbinu za kisasa za kilimo, lakini kutokana na maendeleo ya haraka ya teknolojia, kuna mengi zaidi ya kujifunza. Ziara hii imewaruhusu kufikiria nje ya mbinu walizokuwa wakitumia na kuchunguza jinsi wanavyoweza kutumia mbinu za kisasa zaidi ili kuongeza mavuno yao.” Amesema Clerius

Kwa upande wao baadhi ya washindi wa ziara hiyo wameishukuru sana kampuni ya EFTA kwa fursa hiyo ya ziara ya mafunzo nchini Uturuki maana wamejifunza mengi ambayo wameahidi kuyatumia katika kuleta mapinduzi katika shughuli zao za kila siku za kilimo.

Peter Keppa ni mmoja wa Washindi wa ziara hiyo akitokea wilaya ya Hanang mkoa wa Manyara, anasema ziara hiyo imemtoa “tongotongo” “ Mwanzoni nilijua kwa kumiliki tu Trekta basi tayari unakuwa mkulima wa kisasa, ila ukweli sikuwa sahihi baada ya ziara hii na maarifa niliyoyapata na huku kwa wenzetu sasa ndio naenda kuwa mkulima wa kisasa maana nimekusudia elimu yote niliyoipata huku kuitumia kwa usahihi” Amesema Keppa

Kupitia ziara hiyo Keppa amesema wakulima wa Uturuki hawategemei mvua kupata mavuno, “sehemu kubwa ya kilimo chao ni cha umwagiliaji, nadhani huku ndiko hata sisi wakulima wa Tanzania Tunatakiwa tuelekeze mawazo yetu sasa, wenzetu mvua sio changamoto kwao, kwa sababu wamewekeza sana katika mifumo ya umwagiliaji, ambayo inahakikisha mavuno yao yapo salama muda wote.”

Kwa upande wake Bwana, Nobert Alexander mshindi mwingine aliyepata Bahati ya kuwa kushinda fursa ya kuwa katika ziara hiyo amewashukuru sana kampuni ya EFTA na kuelezea furaha yake kwa maarifa aliyoyapata katika ziara hiyo.

“Ziara hii imetupa maarifa ambayo hatukuwa nayo kabla. Tumeona jinsi teknolojia ya kisasa inaweza kurahisisha kilimo, na ninatarajia kutumia yale niliyoyajifunza ili kuongeza mavuno yangu, lakini pia nitawashirikisha pia na wakulima wenzangu ili sote kwa Pamoja tufanikiwe.” Amesema Nobert

Mkulima mwingine, Bw. Charles Gidamoni, aliongeza, “Hii ilikuwa ni uzoefu wa kubadilisha maisha. Ujuzi tuliopewa hautabadilisha tu mashamba yetu, bali pia utakuwa mwongozo kwa wakulima wengine katika jamii zetu.”

Kupitia ziara hii wakulima hawa sasa wanao uhakika wa kuboresha kilimo chao kwa kutumia teknolojia mbalimbali za kilimo huku wakiwa na uhakika wa kupata mikopo ya mashine za kilimo watakazo zihitaji ili kutoka EFTA bila dhamana ili kuongeza ufanisi katika kilimo chao.

Picha za matukio mbalimbali wakati wa ziara hiyo.

Picha za matukio mbalimbali wakati wa ziara hiyo.

Picha za matukio mbalimbali wakati wa ziara hiyo.

Picha za matukio mbalimbali wakati wa ziara hiyo.

Picha za matukio mbalimbali wakati wa ziara hiyo.

Picha za matukio mbalimbali wakati wa ziara hiyo.